影片
更多
2018-07-25
4987 浏览
作为相机食先的死港女，今日为左影相呃like追星去左黄长兴的餐厅食个平平地的afternoon tea set。星就追唔到，但成个tea set卖相的确好靓，食物质素都不错，价钱平均每人百几蚊CP值都算几高。 首先上的是英式松饼配杏桃果酱，果酱清甜，松饼非常松软唔干。饮品同朋友不约而同叫了Latte, 咖啡是一样的，伴碟的曲奇却不同，准确饮到奶味，咖啡香都有出来。第一层有两款咸点，左边系芝士烟肉火腿多士，半溶芝士加上好香的火腿同烟肉夹在脆卜卜的面包入面，口感甘香。右边系迷你版的虾沙律潜艇，面包表面又系有少少脆，虾同沙律的味道好夹，唔会过咸，反而好香。第二层甜咸点各一，左边系烟三文鱼忌廉法包，烟三文鱼大大条，一啖居然食唔晒，入面的cream咬落去仲多都会吱出来，法包趁热食仲好脆。右边好特别，系爆炸糖柠檬挞，上面紫色的花系可食用花，金色的粒粒全部都系爆炸糖，配上柠檬饼，酸酸甜甜仲系个口入面霹雳啪啦，感觉新奇又有趣仲要好好食。第三层就全部都系甜点，Tiramisu蛋糕咖啡同朱古力味浓而不过甜，夹住海绵蛋糕味道啱啱好。法式贝壳蛋糕够松软，几香牛油味。黄色的马卡龙系柠檬口味，夹心为柠檬味crea
作为相机食先的死港女，今日为左影相呃like追星去左黄长兴的餐厅食个平平地的afternoon tea set。
星就追唔到，但成个tea set卖相的确好靓，食物质素都不错，价钱平均每人百几蚊CP值都算几高。
首先上的是英式松饼配杏桃果酱，果酱清甜，松饼非常松软唔干。
饮品同朋友不约而同叫了Latte, 咖啡是一样的，伴碟的曲奇却不同，准确饮到奶味，咖啡香都有出来。
第一层有两款咸点，左边系芝士烟肉火腿多士，半溶芝士加上好香的火腿同烟肉夹在脆卜卜的面包入面，口感甘香。右边系迷你版的虾沙律潜艇，面包表面又系有少少脆，虾同沙律的味道好夹，唔会过咸，反而好香。
第二层甜咸点各一，左边系烟三文鱼忌廉法包，烟三文鱼大大条，一啖居然食唔晒，入面的cream咬落去仲多都会吱出来，法包趁热食仲好脆。
右边好特别，系爆炸糖柠檬挞，上面紫色的花系可食用花，金色的粒粒全部都系爆炸糖，配上柠檬饼，酸酸甜甜仲系个口入面霹雳啪啦，感觉新奇又有趣仲要好好食。
第三层就全部都系甜点，Tiramisu蛋糕咖啡同朱古力味浓而不过甜，夹住海绵蛋糕味道啱啱好。法式贝壳蛋糕够松软，几香牛油味。
黄色的马卡龙系柠檬口味，夹心为柠檬味cream中间包住柠檬酱，味道好香浓但系又唔会太甜。
唔单止食物外貌吸引，连餐厅装修都好grand, 餐刀仲可以stand, 好多细节位都好值得加分。
张贴
