云手工火鍋店

营业中

休息中

放工同几个好友去咗间装修得有气派嘅火锅店，店内座位宽敞，灯光柔和，而且仲有几间VIP房，私隐度真系好高，适合聚会。火焰三椰鸡锅店员先用干锅炒香鸡肉、椰子肉和红萝卜，加入酒用火枪点燃，视觉上非常震撼，倒入新鲜椰青水同埋浓汤做汤底，仲会隔走汤面上油份。汤底清甜而香浓，鸡肉鲜嫩。手打芝心牛丸口感弹牙，咬落去肉汁丰富，芝士内馅带来一种独特嘅醇香滑顺感。手打咸蛋黄虾丸创意十足配搭，虾肉鲜美，同咸蛋黄嘅咸香完美结合。自家制黑松露蟹肉饺饺子嘅皮超薄，黑松露嘅深邃香味同蟹肉嘅细腻口感在口中绽放，必试之选。花雕醉滑牛牛肉经过花雕酒浸泡，肉质变得更加柔软，花雕酒嘅香气细腻，提升咗牛肉嘅风味，牛肉入口滑嫩。串烧今次试咗日本鳕鱼干同埋广岛蚝，鳕鱼干入口香脆，点少少蛋黄酱食好滋味；广岛蚝肉质鲜嫩，入口juicy，串烧都好高质。