影片
更多
2019-05-05
213 浏览
屋企唔俾养猫，唯有出去吸猫啦。以前去过2间猫cafe，啲主人都唔多受沟😂，野食又好一般，衰啲讲句同我自己系屋企煮冇咩分别，搞到我对猫cafe好失望。有日朋友话佢去过呢间cafe 觉得好正，话带我来见识下，真系好治愈！入门口之前有部机要套鞋套，加上有酒精消毒机一定要客人消毒左对手先入得去，即时令我觉得佢地好用心经营。净系论感觉都feel到佢地系几咁努力帮主人们keep住个环境卫生，系值得一赞。我地2个人去，有预先book位。个日下午阳光明媚，我地坐窗边最角落张台，一入到去已经有5-6只主人等紧我地去吸。🤤用餐时间90分钟，但啲主人真系好嗲好痴身，坐到落椅佢地都唔会即刻四散晒，仲有只训得好林，得意到癫，我地搞左好耐先落到餐😂。叫左个2人套餐，头盘有餐汤同沙津。是日餐汤系南瓜汤，够热够浓。沙津都几大碗，够凉，唔错。主菜叫左 西班牙黑毛猪肋骨 配薯菜 + 温泉蛋烟肉野菌 配黄金卡邦尼扁意粉。个ribs佢煮到好淋，好容易入口，一人一旧份量刚刚好；薯菜都俾左好多我地。主人们都好似几钟意啲ribs，不断走上台想食埋一份😂。卡邦尼意粉都好够饱，酱汁唔会话太少同干。套餐有埋野饮，但天口热我地补差价叫左2
以前去过2间猫cafe，啲主人都唔多受沟😂，野食又好一般，衰啲讲句同我自己系屋企煮冇咩分别，搞到我对猫cafe好失望。
有日朋友话佢去过呢间cafe 觉得好正，话带我来见识下，真系好治愈！
入门口之前有部机要套鞋套，加上有酒精消毒机一定要客人消毒左对手先入得去，即时令我觉得佢地好用心经营。净系论感觉都feel到佢地系几咁努力帮主人们keep住个环境卫生，系值得一赞。
我地2个人去，有预先book位。个日下午阳光明媚，我地坐窗边最角落张台，一入到去已经有5-6只主人等紧我地去吸。🤤
用餐时间90分钟，但啲主人真系好嗲好痴身，坐到落椅佢地都唔会即刻四散晒，仲有只训得好林，得意到癫，我地搞左好耐先落到餐😂。
叫左个2人套餐，头盘有餐汤同沙津。
是日餐汤系南瓜汤，够热够浓。
沙津都几大碗，够凉，唔错。
主菜叫左 西班牙黑毛猪肋骨 配薯菜 + 温泉蛋烟肉野菌 配黄金卡邦尼扁意粉。
个ribs佢煮到好淋，好容易入口，一人一旧份量刚刚好；薯菜都俾左好多我地。
主人们都好似几钟意啲ribs，不断走上台想食埋一份😂。
卡邦尼意粉都好够饱，酱汁唔会话太少同干。
套餐有埋野饮，但天口热我地补差价叫左2杯冻饮：杂梅梳打、洛神红梅荔枝梳打。
为左吸猫吸得开心啲，建议大家食快少少，咁就多啲时间同主人们玩喇；同埋如果食得慢，系会有猫毛飘左落野食野饮度😂。
唯一美中不足系餐具唔太干净，可能有主人行经餐具处，留低左毛同渍，大家食用前最好抹下先。
张贴
