影片
更多
2019-11-23
1124 浏览
我相信如果唔系朋友揾到呢间嘢兼车我嚟, 我呢世都唔会知道原来呢度有个海湾会, 仲要有酒吧、泰菜、BBQ添~ 果晚大家都系第一次, 好不容易揾到去海湾会, 但佢门口个指示牌又唔清唔楚, 都唔知架车应该泊响边? 又唔知海湾会系咪好似人地果d游艇会咁, 要会员先可以去? 咁啱见到有个着住制服的男人, 想问问佢应该泊响边, 但佢叫我地等等, 等到佢招呼完个客攞车, 然后返返入去都冇理我地, 咁我地又以为佢系海湾会d人, 唔理我地呢d街人外人, 于是打电话去问返究竟点泊, 泊边? 又系讲到唔清唔楚, 搞咗差不多十分钟, 最终见到再入d有大空地, 有理冇理泊咗先讲, 起码唔会阻住村民个门口先...............明明睇OR个地址系呢度, 但就净系见到海湾会个酒吧, 谂住厚住面片入去问路, 但一入到去见到不远处系似泰式餐厅, 再行入d, 就见到"泰道", 仲要见到头先唔理我地果条友, 原来佢就系呢度员工, 枉呢间要叫"泰道", 但d员工对人d"态度"咁冷淡...................原来唔只头先果个男员工差, 负责室内果个女员工都唔好得去边, 我地坐低都好几分钟, 都唔比水唔比餐牌
果晚大家都系第一次, 好不容易揾到去海湾会, 但佢门口个指示牌又唔清唔楚, 都唔知架车应该泊响边? 又唔知海湾会系咪好似人地果d游艇会咁, 要会员先可以去? 咁啱见到有个着住制服的男人, 想问问佢应该泊响边, 但佢叫我地等等, 等到佢招呼完个客攞车, 然后返返入去都冇理我地, 咁我地又以为佢系海湾会d人, 唔理我地呢d街人外人, 于是打电话去问返究竟点泊, 泊边? 又系讲到唔清唔楚, 搞咗差不多十分钟, 最终见到再入d有大空地, 有理冇理泊咗先讲, 起码唔会阻住村民个门口先...............
明明睇OR个地址系呢度, 但就净系见到海湾会个酒吧, 谂住厚住面片入去问路, 但一入到去见到不远处系似泰式餐厅, 再行入d, 就见到"泰道", 仲要见到头先唔理我地果条友, 原来佢就系呢度员工, 枉呢间要叫"泰道", 但d员工对人d"态度"咁冷淡...................
原来唔只头先果个男员工差, 负责室内果个女员工都唔好得去边, 我地坐低都好几分钟, 都唔比水唔比餐牌, 问佢又话等阵, 一等又等咗起码5分钟, 再追先比餐牌, 到我地睇咗餐牌都未由头睇到尾, 又追问系咪可以落单? 乜佢好赶时间咩? 推咗一次话仲要睇睇, 转头冇耐又追, 咁咪一路睇一路叫, 满足佢系都要落单的愿望................
等咗差不多十分钟, 最先嚟的系饮品, 叫咗芒果沙冰同火龙果沙冰试试, 都唔太差, 似系真系用果肉去打成, 又冇特别沟糖水, 因为都唔系太甜, 似系生果本身的味道~ 不过见隔离枱杯沙冰好似大杯d, 有个山形, 我地果d系平地, 倒塌咗咁样................
火龙果沙冰
24 浏览
0 赞好
0 留言
芒果沙冰
39 浏览
0 赞好
0 留言
根无住过多几分钟, 开始陆续上d轻便菜式, 好似薄饼、炸软壳蟹、串烧.............
薄饼 -> 仲以为好大块, 原来一客得果4块仔, 仲要系细细块, 我估原整有7-8"左右, 再切开4块, 系热辣辣, 但我要等埋个咖哩, 所以等到冻哂, 不过好彩冻咗都唔会变硬, 只系冇咁松脆啫~
薄饼
10 浏览
0 赞好
0 留言
炸软壳蟹 -> 估计应该都系得一只, 但算几大只, 分开咗十旧八旧, 新鲜炸起, 好香好脆, 就算摊冻哂, 竟然都仲脆, 唔会变硬, 而且佢d粉唔系好厚~
炸软壳蟹
34 浏览
0 赞好
0 留言
串烧 -> 好在佢呢度一客系2串, 所以可以猪、牛、鸡各一客share食, 不过佢个沙爹将就少咗d, 6串嘢都系得一碟仔, 唯有悭住用, 废事叫佢比多碟, 因为分分钟食哂佢都未拎嚟~ 串烧烧得唔会太干, 不过牛同猪都un咗少少, 要咬耐d先吞到, 冇牙就难咬, 只可以食鸡串~
串烧
23 浏览
0 赞好
0 留言
食到七七八八, 开始有其他比较需时的虾饼、什菜粉丝煲、烧鱿鱼、咖哩鸡上埋.............
虾饼 -> 唔知系虾太多定粉唔够, 唔系好实净, 又唔够弹牙, 唔太吸引~
虾饼
21 浏览
0 赞好
0 留言
什菜粉丝煲 -> 竟然系用韩式石头饭果d煲去装, 好处系够热同保温, 但坏处系d粉丝比佢黏实哂~ 味道开初食系唔差, 几入够味, 但开始冇咁热时, 会觉得超重口味, 机乎可以食一啖送一碗饭~
什菜粉丝煲
29 浏览
0 赞好
0 留言
什菜粉丝煲
25 浏览
0 赞好
0 留言
烧鱿鱼 -> 烧到好香, 但又唔会干身, 如果用嚟送酒真系一流~
烧鱿鱼
28 浏览
0 赞好
0 留言
咖哩鸡 -> 其实应该系最快可以上的, 基本上d𩠌都系煮好哂, d汁又系整定, 只不过收到order整返热啫, 都唔知点解咁耐? 通常d咖哩鸡都系鸡脾砍件, 但呢度竟然系全鸡胸肉, 而且汁多过龙, 鸡肉的份量仲少过洋葱, 真系唔抵食, 虽然味道唔差, 而且唔辣啱我, 如何调整下个比例会好d~
咖哩鸡
15 浏览
0 赞好
0 留言
已经食到饱哂, 我地果碟干炒肉片河仲以为佢漏咗单, 因为听到隔离枱都有嘢漏单, 谂住唔追佢, 由佢漏单就算, 反正都食饱, 再嚟反而食唔落, 点知讲完唔够5分钟就嚟, 不过嚟错咗牛肉, 其实想乘机叫佢取消, 但又好似好衰, 惊人地以为我地唔想食先话佢嚟错牛肉, 最终佢炒过碟啱的猪肉, 但真系实在太饱, 打包咗~
其实呢度如果你为咗吹水, 而又唔想有人打扰, 系几好的选择, 因为佢净系上菜会嚟一嚟之外, 其余时间系唔会有人出现, 就算出面执哂枱, 都唔会入嚟做d动作赶你走, 呢个系唯一好处~
明明出面有枱, 但book枱时话full哂, 得返室内, 其实秋凉天坐出面都唔差, 旁边又系沙滩, 咁当然唔好有蚊啦~ 因为室内我觉得有阵烟味, 但周围附近又唔见有人食烟, 都唔知d烟味响边度抽入嚟? 后来发觉楼上可以包房, 我就觉得有人偷鸡食烟, 咁又冇人阻住, d烟咪响楼上传落嚟...............
张贴
