影片
更多
2015-03-17
1391 浏览
第一次到访官仔记，野食好味环境ok，房就细啲但都无所谓，所以朋友生日再到此晚饭庆祝。但今次就同上次好唔同，只是差一个月食物细碟咗，咁都算，最劲系七点坐落食咗一round野再点野食，点知等好耐都无黎，我哋追单佢叫我哋再点过，咁好啦一点就个半钟点四次单，四次都无黎，因为坐房系二楼，本人亲身落楼追柜面（因楼上阿姐都好忙，我都唔想再烦佢所以自己落楼追）我问柜面点解咁耐，一名凶神恶煞既男子回应，无可能咁耐都无野食又话有单有据有时间，我答佢，有野食我就唔洗亲自落黎追啦，我哋的确等咗好耐，你话有时间你味睇下你几点落单啰，一睇就话我哋岩岩落，时间系21:54但当时只不过是21:30，佢跟手就话唔好拗即刻向厨房大叫「快啲上野比48号枱喇」但全程不停仲话紧我好追佢单，我心谂家下我好似去乞佢啲野食咁。我都忍唔住问你系味唔想做我哋生意呀，佢答话「边有人咁讲野架，我比间房你哋坐又无收最低消费」我当堂明晒，即系你觉得好唔底呀，你高兴可以收架，订房讲明要几多味得啰，合理既一定会黎食，到我哋拎房又无话依家叫比说话我听呀？ 当日星期五晚人系多，但我哋的的确确等成个半钟都无野食先落黎追你单啫，唔洗发脾气呀，仲要比说话
但今次就同上次好唔同，只是差一个月食物细碟咗，咁都算，最劲系七点坐落食咗一round野再点野食，点知等好耐都无黎，我哋追单佢叫我哋再点过，咁好啦一点就个半钟点四次单，四次都无黎，因为坐房系二楼，本人亲身落楼追柜面（因楼上阿姐都好忙，我都唔想再烦佢所以自己落楼追）我问柜面点解咁耐，一名凶神恶煞既男子回应，无可能咁耐都无野食又话有单有据有时间，我答佢，有野食我就唔洗亲自落黎追啦，我哋的确等咗好耐，你话有时间你味睇下你几点落单啰，一睇就话我哋岩岩落，时间系21:54但当时只不过是21:30，佢跟手就话唔好拗即刻向厨房大叫「快啲上野比48号枱喇」但全程不停仲话紧我好追佢单，我心谂家下我好似去乞佢啲野食咁。我都忍唔住问你系味唔想做我哋生意呀，佢答话「边有人咁讲野架，我比间房你哋坐又无收最低消费」我当堂明晒，即系你觉得好唔底呀，你高兴可以收架，订房讲明要几多味得啰，合理既一定会黎食，到我哋拎房又无话依家叫比说话我听呀？ 当日星期五晚人系多，但我哋的的确确等成个半钟都无野食先落黎追你单啫，唔洗发脾气呀，仲要比说话我听，你无野呀！ 果个半钟有位似事头婆既女人上黎，向佢反应未有野食，但佢全程都系黑面。讲真，返工已经要受气，但无理由去消费开心都要受气，全个过程成班人都追得好气客，系味斯文啲就要受你呢间野气先！
一间细店经营系要用心，你野食系好食同新鲜，但咁既态度就好正啰，最后发现原来凶神恶煞既男人系老细，而最后上到枱既野食细碟得惊人，最跨张系碟西洋菜，一小篮有八条左右。再向阿姐讲，比埋阿姐睇，佢就话又真系小咗啲既，跟手就再拎一碟杂菜黎当补番。
各位想去比钱受气就去试下啦！
题外话/补充资料：
食物明细如下:
手切牛, 安格斯牛, 黑柏叶 - 我唔食牛, 所以我唔知好唔好食, 份量就手切牛最细碟, 得八块左右
西洋菜 - 超细碟
莴笋 - 新鲜, 份量正常
向铃 - 系新鲜炸, 不过有小小油腻味, 一篮六至七件
松露虾云吞 - 虾大只同新鲜, 松露好香好够味
韭菜饺 - 真的只有韭菜没有肉在内, 我觉得好食, 但朋友会觉得点解无肉
海虾 - 好新鲜, 一碟大概七至八只
午餐肉 - 一般, 份量正常
公仔面 - 出前一丁
粟米 - 份量正常, 不过唔甜
冰豆腐 - 份量正常, 不过无咩特别
脆鱼腩 - 份量正常, 因为我唔食, 所以唔知得唔得
羊肉 - 一碟有十一/二卷, 但每卷系正常既一开二, 所以算细碟, 而对我来说唔够膻味
豚肉 - 又系一碟有十一/二卷, 每卷又系正常既一开二, 而味道就无咩特别
猪润 - 正常份量, 味道无咩特别
鱼卜 - 我唔食, 唔知好唔好, 份量正常
beer - 38支大既, 酒系准时上枱
以上就是当晚所点既食物, 我哋一围七男四女, 大部份男性朋友都唔饱, 而我自己都要返到屋企食杯面, 讲真, 我都未试过打完边炉仲要食杯面!!!!!!!!!
(以上食记乃用户个人意见 , 并不代表OpenRice之观点。)
张贴