居廬 Cafe (已結業)

旺角区美食多的是，想揾野食根本唔难，有时系旺角食到闷都会行到太子揾食，太子亦都美食如云，相对比较多特色菜食又唔会咁多人等位，行多两步都值得呀同朋友黎到太子依间半开放式既酒吧餐厅食饭，店虽然唔大，但环境都几有feel同几舒服，吹住少少风系度用餐都几赏心乐事<<茴香白酒煮青口>>离远已闻到好香，有洋葱同黑椒带出香味，青口质感适中，煮得刚刚好，食落唔会过份老同埋入口有少少酒香，唔会太浓烈，咸度适中<<火腿烟肉香辣肠Pizza>>薄饼边食落好脆口，整得一D都唔会厚，够哂薄，面头有好多芝士，食落香喷喷，薄饼尺寸份量比想像中大份，都几抵食呀<<蒜香蕃茄芝士意粉>>以为蕃茄会比芝士更浓味，点知食落个芝士味非常香浓，芝士控必定大爱，入口好creamy，意粉食落够爽口，软硬度适中，条条分明，唔会好似食落一旧旧咁，唔好睇佢碟细细，食其实分量都几多，食完都饱哂<<姜饼人拿铁>>点解叫依杯饮品原因系纯粹觉得姜饼人好得意，所以叫左杯尝尝，饮落其实无姜味既，但佢整果时离远已闻到好香咖啡味