K-Pop snack

营业中

休息中

今日懒得郁，所以同同事叫外卖做Lunch。叫左公司附近由韩国人打理的Kpop餐厅，专卖各种韩式小食同主食。两个人共叫左一个炒粉丝及两份小食share。呢份紫菜卷，包得都几实净。新鲜无雪味，入面的酸萝卜好香。另外我们叫左份泡菜煎饼，唔多食得辣+好钟意食煎饼的我，认为泡菜份量适中，有泡菜香但唔会辣。大家可以跟据大家的喜好拣猪/牛/辣鸡的韩式炒粉丝，而今次我们就拣左辣鸡。辣鸡主要放系炒粉丝的面，唔算好辣，只有辣的香味。如果你同我一样都系唔点食得辣可以放心食。粉丝的面质都系好弹牙，唔会过淋。粉丝仲落左洋葱、红萝卜条入去炒，令到个粉丝更香更有口感。两个人一面两小食共$113，唔算平，不过间中食下都ok。另外餐厅的份量比较少，男孩们可能要叫多少少野先够饱。