影片
更多
2016-03-01
934 浏览
最近系IG见到好多关于呢间餐厅既POST，被食物卖相吸引，所以衬住星期六放假就去左试下！星期六大约7:00去到，冇预期中咁多人，等大约6张枱就入得，我冇认真计时，大约等左半个钟la！坐低望左menu一阵都唔知拣咩好！一黎样样都好靓，二黎个价钱都偏贵（所以唔舍得叫好多好多款黎试haha）～最后拣左Pan de Pain同Souffle～大约等左25分钟，Souffle大约等左40分钟…其实都几考耐性，去之前真系要做好慢慢等既心理准备！不过个环境几舒服，同朋友倾住计笑住等，时间都几易过既～Pan de Pain个卖相真系几靓，但食落就有d失望…虽然口感唔错，外脆内软，但油味好重，几乎盖过个焦糖香甜味！Souffle个卖相同样吸引！口感方面亦做得好好，软绵绵，入口即溶！冇谂过梳乎厘可以唔洗用杯，以呢个外型上碟，更冇谂过佢外型望落唔松散，但口感会咁松软！至于味道方面呢…一入口就觉得系种好熟悉既味道，谂左阵…系M记热香饼既味道呀！整体黎讲，食物卖相方面真系做得好好，同menu入面既图片近乎一样，值9分！味道方面就好一般，6分！价钱方面，如果睇埋份量，佢个订价真系偏贵，值唔值就见人见智喇，6分！简
星期六大约7:00去到，冇预期中咁多人，等大约6张枱就入得，我冇认真计时，大约等左半个钟la！
坐低望左menu一阵都唔知拣咩好！一黎样样都好靓，二黎个价钱都偏贵（所以唔舍得叫好多好多款黎试haha）～最后拣左Pan de Pain同Souffle～大约等左25分钟，Souffle大约等左40分钟…其实都几考耐性，去之前真系要做好慢慢等既心理准备！不过个环境几舒服，同朋友倾住计笑住等，时间都几易过既～
Pan de Pain个卖相真系几靓，但食落就有d失望…虽然口感唔错，外脆内软，但油味好重，几乎盖过个焦糖香甜味！
Pan de Pain
$78
51 浏览
0 赞好
0 留言
Souffle Pancake
$68
204 浏览
0 赞好
0 留言
简单D讲，呢间餐厅系满足对眼，而唔系满足个胃既！如果几个女仔girls’ talk，呢间餐厅系唔错既，环境几靓，食物卖相又靓，可以POST下相去IG，又可以慢慢倾下计（净系等野食既时间都够倾好耐la haha）！但如果系同男朋友黎就小心佢有微言喇，始终佢价钱偏贵，等既时间比较长，同埋最惨系满足唔到佢个胃嘛！
张贴
