姨婆瑪麗 (已結業)

姨婆玛丽嘅新开业, 食评都未有几篇就储咗几个负评得半碗!牛腩唔稔....但见过佢FB啲post又唔觉得店主系hea做。所以几个重口人就去试吓佢嘅真章一入门口觉得店舖令人放松, 冇乜伏味。叫咗三𩠌咖喱掺掺同虾面掺掺，再加咗参巴鱿鱼烧菜心(MENU打咗做一串，其实系一碟)同埋单骨鸡翼。「疑似老板」见我嘅朋友白净又瘦削一副文青女神样，担心佢食唔到辣(其实佢好受得XD)，专登比多个碗仔佢，比佢夹开食冇咁辣。汤底不论闻定饮都好香虾干仔味，咸中带辣。参巴酱几辣，但带甜味。加埋入汤底好香。咖喱汤底椰香味超浓陏~~~成个汤好creamy，有椰奶嘅甜，但辣度十足。其他车仔面档真系冇呢种咁有层次嘅汤底。豆卜只系随汤附送嘅配料，但都有两粒(未剪开架！)，足料！见到刚开业唔少食评话车仔面份量太少，配料麻麻，但食完呢餐真心欣赏店主有听顾客嘅意见，好好改进~~~因为有几款汤底，所以猪软骨唔会好似其他面档咁用腩汁焖，颜色比较浅，但系肉系有盐水味嘅~捞咖喱汁食好正。西刀鱼蛋~牛腩比较碎，但因为佢焖得好稔，而且加埋量都好多，碎腩都唔紧要~掺掺系米粉加油面，地道食法，不无道理。米粉比较幼「挂汤」比较好，但就比较鞋，捞埋弹