榮園麵家 (已結業)

寻晚两口子呢头行行下之间见到呢间食店, 师傅忽然间好想黎试下, 事关真系好耐都冇黎食过喇, 完全因为环境太差, 不过既然咁耐冇黎, 所以决定一试! 去到好鬼多人度等位, 好唔容易先有位, 一坐底就叫左一碗净鱼蛋同一碗净牛丸! 一分钟到就有得食, 净鱼蛋同净牛丸都系一碗有七粒, 鱼蛋好爽口不过就有好多碎骨, 而师傅连鱼鳞都食到, 都唔知话佢新鲜好定还是离谱好呢? 炸鱼片都好爽口, 可以啦; 牛丸系好爽好弹牙, 唔系好实咁, 而且好香牛肉味, 正呀; 加埋个汤底好清甜, 都几好!总括黎讲食物质素普普通通, 唔算十分出色, 但环境可以用恶劣黎形容, 身处横街小巷, 感觉绝对污漕, 再望下d筷子就觉得几呕心, 起晒渍咁, 见到d筷子已经食唔落啦, 不过冇计唯有顶硬上, 所以师傅都唔明点解咁多人黎食? 如果你再问师傅多一次仲会唔会再黎呢, 师傅可以好肯定咁答一定唔会! 净系呢度环境卫生都足以比喊脸, 冇比喊脸全因为呢度d野食都仲可以, 如果唔系喊硬呀!