迷客夏 (利園山道)

营业中

休息中

近来新出左米麻糬芋泥仙草杯。星期一下午4.15pm去帮衬。去到见只得2个员工，多客排队，而亦不断有外卖单。见到两位员工已经好快手快脚，但仍然做唔切。等候期间见到有个外卖外送员话佢个客话等左好耐。。。个员工话佢4pm前都只系得佢一个人，佢可以点🥺听到都觉得佢好无奈。理解到佢点解有啲黑面。之后另一单外卖外送员又系话客等得耐取消左张单，7杯嘢饮还返俾店员话取消了，好浪费。最后我亦等左大概20分钟先有。米麻糬芋泥真心好食，即食个麻糬好软，芋泥亦系真材实料。可选2个配料都只系$36。而奶方便预设为半奶半椰奶，但可以同店员讲转全椰奶或全奶。性价比高。但我亦唔介意佢价格调高几蚊可以请多个人帮手。店员真系辛苦了。