小蜜蜂 (已結業)

今日一行四人早上食早餐，从未帮衬过，随便吃个早餐，点知会食完一肚气。我哋四人坐最入面卡位，三人各点了早餐set, 另外一人净饮。座位坐得窄都唔紧要，茶仔预咗，但系个员工放饮品时无礼貌地话：你坐埋D，唔系我唔够位上餐。其实当时我哋只系正常咁坐，并无坐得特别离行离辣。心谂，系你地方浅窄，唔好意思，唔该借一借，小心热水呢啲基本茶仔礼貌都冇，都算，当系茶仔实有啲冇礼貌嘅人。我哋因为有些事情要商讨，所以一路食一路倾，食咗一粒钟，其中一个同行朋友叫多一杯咖啡，个员工突然粗暴地叫我地都系埋单走人！我果一刻真系O咗咀，起身望下，我以为成村人排紧队入嚟食，点知系冇人排队而且有几张枱系吉枱！可能我真系识见少，唔知茶仔都有限时交枱，而且系极无礼貌，唔好意思都冇句。若然系有人排紧队，我都算，又吾系。你间铺仔若然有交枱时间，好心你写番张大字报贴出嚟吖。服务态度这样恶劣，食物好食到识飞都冇用（更何况不是）black list 永不再帮衬！🤬🤬🤬