影片
更多
2023-09-24
457 浏览
今日系生日，男朋友专登book咗呢间嚟试。本身好期待，因为我哋之前都有食过香港其他专食寿喜烧嘅餐厅都好钟意食。呢间餐厅喺confirm booking嘅时候要求男朋友写低信用卡嘅资料，讲明如果唔出席会扣张卡200蚊。我哋早咗到，一入门口，reception位置冇staff喺度standby，等咗好几分钟先有人过嚟，虽然未有位坐，但系个staff畀咗个QR code我哋，叫我哋落咗单先。我哋嚟之前已经有共识打算嗌最贵𠮶个600几蚊嘅极上餐，话哂都系第一次嚟当然系想试咗最靓嘅先。一打开QR code，最贵𠮶个餐写住sold out，但系𠮶阵时只系六点几。再碌落少少，就发现反而散嗌嘅贵牛冇sold out。以为系可能个app出错，即刻问番个staff，个staff就答话，因为系”稀少部位”所以只供散嗌，冇得叫餐。此时已经R哂头，既然冇得叫最贵嘅餐咁点解要放喺个menu度？睇番open rice其他comment原来有其他人都系咁。我哋都冇办法，唯有坐低咗，order咗第二贵嘅餐(500蚊左右)。Order完冇几耐，有几个staff分别将前菜，蛋，牛，白饭，菇菜，全部放哂上枱面，并冇等我哋食完
我哋早咗到，一入门口，reception位置冇staff喺度standby，等咗好几分钟先有人过嚟，虽然未有位坐，但系个staff畀咗个QR code我哋，叫我哋落咗单先。我哋嚟之前已经有共识打算嗌最贵𠮶个600几蚊嘅极上餐，话哂都系第一次嚟当然系想试咗最靓嘅先。一打开QR code，最贵𠮶个餐写住sold out，但系𠮶阵时只系六点几。再碌落少少，就发现反而散嗌嘅贵牛冇sold out。以为系可能个app出错，即刻问番个staff，个staff就答话，因为系”稀少部位”所以只供散嗌，冇得叫餐。此时已经R哂头，既然冇得叫最贵嘅餐咁点解要放喺个menu度？睇番open rice其他comment原来有其他人都系咁。
我哋都冇办法，唯有坐低咗，order咗第二贵嘅餐(500蚊左右)。Order完冇几耐，有几个staff分别将前菜，蛋，牛，白饭，菇菜，全部放哂上枱面，并冇等我哋食完前菜先上其他嘢。
前菜系三样嘢: 慢煮和牛配黑松路沙律酱，麻酱豆腐，同鸡软骨丸子。全部都系不过不失冇乜惊喜。个staff只有好hea咁用3秒介绍过个前菜就行开咗。
跟住到食完前菜，有人埋嚟帮我哋整牛肉。牛分咗两碟，个staff全程都冇任何嘅解释，直到我哋问，佢先答咗一句话其中一碟系西冷嚟。咁佢就煮咗西冷先嘅，牛脂用咗合成牛脂，白色会溶𠮶种，而唔系一般寿喜烧会使用嘅由牛肉切出嚟嘅真牛脂，另外个staff又倒极大量嘅汁，个牛系被煲熟而唔系煎熟，完全冇香气，个staff一粒声都冇出就将块牛掉落去啲冰冻嘅蛋汁度，不足10秒，块牛已经变咗全冰冻😅加上块牛仲有条劲阔嘅肥膏边系冇cut走，亦都有筋，真系算不上好食。
食完第一块牛，个staff就将所有菇菜放哂落个煎pan度，连埋啲和牛一齐煲，呢part都冇问题，但系我哋真系想可以煎香少少先食，唔想浪费咗净番嘅牛，所以食完𠮶一round我地就要求换咗个煎pan打算自己嚟整算，唔想再由佢哋嘅staff去整我哋嘅牛🥲
换咗个新嘅之后，有另一个女仔staff埋嚟问都冇问就又倒到成个pan都系汁，stop都stop佢唔切，我哋讲多一次畀我哋自己嚟啦。
我哋煎到一半好地地，又再一次有另一个staff埋嚟，又系冇问我哋就想直接倒啲水落个pan度，我地三番四次讲我哋唔想加水，佢就坚持话应该要加水喺度同我哋拗，我最后忍唔住话，不如真系等我哋自己嚟😅个staff先至肯行开。
终于食完枱上嘅嘢，上咗个柚子雪芭，味道偏甜但正常。
食完想去厕所，问个staff厕所喺边，都系单手插住袋好hea咁指畀我睇，仲要同另一个staff倾偈倾得好开心。其实如果呢间系一间普通嘅餐厅，可能都唔觉得有咩问题。
但系呢间嘢系专卖寿喜烧，埋单都成千蚊唔系特别平，真系唔expect d staff可以hea到咁，毫无服务态度可言。嘢食亦完全冇出众嘅地方。呢间嘢真系冇下次🙂Overall嚟讲体验都有少少差。
0 浏览
1 赞好
0 留言
张贴
