火車頭越南餐室 (浣紗街)

营业中

休息中

上次喺旺角朗豪坊食过嘅火车头越南餐室，味道唔错，最钟意就系佢个蒜蓉牛油鸡翼，难得A姐钟意食，今日我就带佢去到位于大坑嘅火车头越南餐室总店，继续越南越爱。蒜蓉牛油鸡翼总店比分店更好味！外皮炸得松脆，鸡肉又嫩又多汁，仲有淡淡嘅牛油香，更惊喜系面头嘅炸蒜蓉，好香脆好惹味。马拉盏炒通菜马拉盏炒通菜份量十足，除咗咸香味突出，仲有唔少辣椒粒，令通菜更加有层次。生熟牛河大大碗嘅生熟牛河，配料有罗勒、洋葱丝、芽菜、红椒同青柠。先尝一啖汤，够热而牛味好香浓。全靠够热嘅汤，令生牛肉变熟，而我就比较喜欢嫩滑嘅生牛肉，份量一啲都唔少。香茅猪扒捞檬A姐今次就拣咗香茅猪扒捞檬，猪扒嘅香茅味突出；而捞檬嘅灵魂当然系鱼露啦，甜甜酸酸好开胃，入面仲有大量花生、生菜丝、萝卜丝同香蒜片，口感丰富。