One More Hotpot 來一鍋 (已結業)

今日收工约咗朋友出铜锣湾一齐行街，见天气冻冻地，所以想去食任食火锅，上Openrice揾到附近呢间新开未试过，见抵食所以去试吓。六点钟上到去应该系第一批，但已经有人入座，一坐低个侍应好热心介绍佢地有几个任食嘅套餐同分别。虽然我地唔好酒，佢推介有个红白酒任饮几抵。另外其他饮品都好多选择任饮。拣左清汤，系冬瓜白肉卜卜蚬锅，大大个冬瓜系底，面超多洋葱，未见过咁多，哈哈～手切安格斯肥牛片，色泽靓纹好平均，好味，可惜得一碟。海鲜船，海鲜超级大只，鲍鱼，象拔蚌，大虾，乜都有， 扎扎跳，物超所值。另外个响铃超搞笑超大。最后竟然仲有甜品心太软。呢个价钱，任食任饮，又想食火锅嘅朋友，值得一试。