世記上海麵店

营业中

休息中

决定食饱饱先出发效游。听讲大埔行市上面有间食河粉嘅铺，抵食又好食。今次就嚟到「世记上海面店」。鸡翼、雪菜肉丝河（$34）鸡翼size好大只，仲好香蒜味。鸡翼有用炸粉炸过，不过系似日式天妇罗咁薄薄一层炸粉，所以食落食有小小脆口感，但唔会成口都系面粉浆。出奇地，d肉好嫩同好多汁水，再沟埋果种蒜香味🤤🤤🤤。猪扒、菜肉云吞河（$34）猪扒同鸡翼一样系用薄粉浆去炸，一样系有蒜味。值得一提嘅系猪扒都切得几厚身，一样做到嫩滑多汁水，真系可以啖啖肉又可以嫩滑多汁👍👍。其实2碗河粉嘅量都好多，食极都仲有。汤就系好清，非常清嘅，而河粉加咗小小炸菜，所以就算汤底清，都仍然食落有味。因为好多人嚟食😂都要等20-30分钟先有得食，所以赶时间嘅可以改时间嚟食啦。