影片
更多
2016-08-29
1865 浏览
餐厅喺圣保禄学校隔离，铜锣湾地铁站f出口一出，穿过渣甸街同敬诚街对面就系，识行嘅都唔使五分钟。餐厅里面有少少实验室嘅感觉，企低咗冇几耐之后厨师就会介绍自己同埋身边𠮶位靓女助手，之后佢喺每做一道分子料理之前都会介绍，究竟呢一道分子料理系用咩化学作用整成既，而厨师本身亦都系化学科毕业，能够寓兴趣于事业，真系有意思嘞。哈密瓜分子晶球配西班牙黑毛猪火腿，碗哈密瓜蓉落咗某一只稳定剂之后再放喺中间𠮶份有钙嘅水入面就会形成晶球，再用匙羹轻轻不起，放喺一块45个月嘅parma ham上面，厨师话食嘅时候要一啖啪落口，45个月嘅parma ham 唔使讲都知无敌啦，加埋呢个咁特别嘅分子哈蜜瓜，真系好玩得嚟又好食啊。樱花虾肉松云吞配日式高汤，个日式高汤系用虹吸咖啡嘅方法煮成既，材料有昆布，大地鱼同埋虾子，味道有少少似云吞面𠮶个汤底。个樱花虾肉松云吞劲搞笑，云吞皮系透明嘅，厨师叫我哋一啖啪落口，云吞皮入口即溶，跟手就渗出樱花虾同肉松嘅香味，同个高汤好衬。柚子醋粉末配樱桃萝卜三文鱼籽针鱼刺身，呢度菜卖上好精美，啱哂我呢啲贪靓嘅妹猪，呢道菜嘅形成系首先倒啲液态氮落个碗度，跟住就倒啲柚子醋落去，当柚子醋遇到极低温
餐厅喺圣保禄学校隔离，铜锣湾地铁站f出口一出，穿过渣甸街同敬诚街对面就系，识行嘅都唔使五分钟。
餐厅里面有少少实验室嘅感觉，企低咗冇几耐之后厨师就会介绍自己同埋身边𠮶位靓女助手，之后佢喺每做一道分子料理之前都会介绍，究竟呢一道分子料理系用咩化学作用整成既，而厨师本身亦都系化学科毕业，能够寓兴趣于事业，真系有意思嘞。
哈密瓜分子晶球配西班牙黑毛猪火腿，碗哈密瓜蓉落咗某一只稳定剂之后再放喺中间𠮶份有钙嘅水入面就会形成晶球，再用匙羹轻轻不起，放喺一块45个月嘅parma ham上面，厨师话食嘅时候要一啖啪落口，45个月嘅parma ham 唔使讲都知无敌啦，加埋呢个咁特别嘅分子哈蜜瓜，真系好玩得嚟又好食啊。
樱花虾肉松云吞配日式高汤，个日式高汤系用虹吸咖啡嘅方法煮成既，材料有昆布，大地鱼同埋虾子，味道有少少似云吞面𠮶个汤底。个樱花虾肉松云吞劲搞笑，云吞皮系透明嘅，厨师叫我哋一啖啪落口，云吞皮入口即溶，跟手就渗出樱花虾同肉松嘅香味，同个高汤好衬。
柚子醋粉末配樱桃萝卜三文鱼籽针鱼刺身，呢度菜卖上好精美，啱哂我呢啲贪靓嘅妹猪，呢道菜嘅形成系首先倒啲液态氮落个碗度，跟住就倒啲柚子醋落去，当柚子醋遇到极低温就即刻硬化变成一块块好似虾片咁嘅物体，之后再用搅拌器将硬左嘅虾片搅成粉状，用呢个柚子粉末，包裹住条针鱼，又系一啖啪落口，强烈嘅柚子味同针鱼刺身做到好朋友，厨师提醒我哋啲柚子粉末要快啲食，如果唔系摆系室温好快就会融哂。
龙虾慕斯配鱼子酱椰菜花，第一啖先食龙虾慕丝同埋面头𠮶堆鱼子酱，打成慕丝嘅状态龙虾味都能够 keep 到咁浓，衬埋鱼子酱一齐食劲正，可惜每人只系得一啖，跟手就可以食下面嘅椰菜花同埋龙虾慕丝，椰菜花用70度慢煮20分钟再研碎，慢煮嘅牛扒同三文鱼就食得多喇，慢煮嘅蔬菜都系第一次食，味道方面比平时白烚嘅更加清，更加有青菜嘅味道。
特级初榨橄榄油慢煮三文鱼配柠檬橄榄，三文鱼经过慢煮后保留到大部份嘅营养，亦都令到口感更加嫩滑，加埋柠檬橄榄同埋紫洋葱，味道配合得天衣无缝，正啊。
煲仔西班牙饭配分子蒜香忌廉，个分子蒜香忌廉系用一部养金鱼𠮶只打气机，将蒜香忌廉打到起泡，食既时候不一羹气泡落羹饭度，气泡个蒜味好浓郁，西班牙饭硬度适中，有啖啖既海鲜味。黎紧佢地好似话会添加一啲新元素落啲菜式度㖞，等我迟啲又黎试吓先。
张贴
