影片
更多
6天前
0 浏览
❰泓一拉面❱ 地鸡🐓盐味拉面🍜📍太子汝州街21号英来大厦地下E号舖泓一呢间店咁大名气，想必都唔驶我多介绍。想讲嘅系，响d拉面关注组，好多网友都会用红磡店同太子店比较，而似乎红磡店系比较受追捧多d。虽然我冇特别去research两间店嘅背景，不过只要比较一下两间店嘅menu，佢地做嘅拉面风格都几唔同，除左店名同logo一样之外，口味，摆盘，碗个样，通通唔一样。红磡店主打似系鸡白汤，而太子店主打似系煮干汤。呢间太子店嘅煮干汤拉面，我已经试过晒，做得几好。今次试嘅系地鸡🐓盐味拉面🍜。香味 (1/5)香味比较久奉，我开初会预期浓浓嘅鸡汤味，系冇乜。汤 (2/5)如果以鸡盐汤来讲，我认为系唔合格。鸡汤味近乎系食唔出，反而个汤有浓浓嘅鱼干味，而食到底，发现佢有加到似系d细细粒又整散左嘅元贝干，我理解系，呢个汤底食来食去都系似海鲜系嘅风味，我当佢有加鸡去煲，鸡嘅存在感实在太薄弱。之所以我认为煮干汤系做得好，可能因为个汤底嘅关系。面条 (4/5)同上煮干拉面一样，都系用左加水率 38% 嘅高加水面，啜面时非常滑顺，口感好好，不过我认为配酱油汤比配盐汤更为合适。配料 (3.5/5)猪叉烧方面，肉味都系更
📍太子汝州街21号英来大厦地下E号舖
泓一呢间店咁大名气，想必都唔驶我多介绍。想讲嘅系，响d拉面关注组，好多网友都会用红磡店同太子店比较，而似乎红磡店系比较受追捧多d。
虽然我冇特别去research两间店嘅背景，不过只要比较一下两间店嘅menu，佢地做嘅拉面风格都几唔同，除左店名同logo一样之外，口味，摆盘，碗个样，通通唔一样。红磡店主打似系鸡白汤，而太子店主打似系煮干汤。
呢间太子店嘅煮干汤拉面，我已经试过晒，做得几好。今次试嘅系地鸡🐓盐味拉面🍜。
地鸡🐓盐味拉面🍜
$108
0 浏览
0 赞好
0 留言
香味 (1/5)
香味比较久奉，我开初会预期浓浓嘅鸡汤味，系冇乜。
汤 (2/5)
如果以鸡盐汤来讲，我认为系唔合格。鸡汤味近乎系食唔出，反而个汤有浓浓嘅鱼干味，而食到底，发现佢有加到似系d细细粒又整散左嘅元贝干，我理解系，呢个汤底食来食去都系似海鲜系嘅风味，我当佢有加鸡去煲，鸡嘅存在感实在太薄弱。之所以我认为煮干汤系做得好，可能因为个汤底嘅关系。
面条 (4/5)
同上煮干拉面一样，都系用左加水率 38% 嘅高加水面，啜面时非常滑顺，口感好好，不过我认为配酱油汤比配盐汤更为合适。
配料 (3.5/5)
猪叉烧方面，肉味都系更浓，又相当大块，我认为好正。
鸡叉烧方面，鸡胸肉，未至于非常嫩口但还都软身。肉味同上次一样，都系麻麻地，食得出黑胡椒嘅味道相当重。
溏心蛋方面，我特别想讲一点，佢既唔系熟，又唔系流心，个蛋黄系膏状，好唔好我谂见仁见智，我觉得几特别嘅。蛋嘅调味就正正常常。
笋同白葱就正常发浑。
顺带一提，佢有放一块唔知系咪紫苏叶嘅叶响碗面上面，我系咁二咬左两吓就立马𠼱鬼左。好似黑白大厨安成宰主厨话斋，如果未能为整体味道作出贡献，只为好睇，就建议唔好加。
整体 - 不推荐。如果你去太子泓一店，强烈建议你试返煮干系拉面，感觉会对味好多。
张贴
