更多
2020-09-16
875 浏览
今日行完山,决定系大尾笃海边食个晚餐。比我发现呢度方圆一带唯一一间居酒屋🏮,咁难得,当然同朋友系呢度解决晚餐。居酒屋最啱就系食下串烧饮下啤酒🍻。我地拣左以下:烧鸡泡鱼干($36),首先前菜食下鱼干,点蛋黄酱,本身甜甜地,又唔会太干身。烧安格斯牛粒串($32),呢个牛真系超正,出去食扒都好少食到咁正味道调得咁好嘅牛,油脂旺盛肉质鲜嫩多汁,牛味带晒出黎!金菇卷牛肉串($22),外面嘅牛肉就唔系打边炉啲肥牛,肉质较厚身同结实,配合入面爽口嘅金菇,口感有好大冲击~烧明太子鸡翼($16),入面嘅明太子好够,微微带辣,配合鸡肉系极大享受。烧鸡软骨串($16),爽口得黎调味又惹味。盐烧海中虾($22),大大只虾真系不得了,烧完又离壳,味道正宗鲜甜弹牙,带淡淡盐味。日式烧茄子($22),另外有川味嘅选择,不过我地唔食辣,所以都系正常味好啲。调味方面唔似出面咁落重蒜蓉,反而系靠酱油同木鱼丝调味。另外店主推介我地食下呢度嘅刺身,真系附近一带都食唔到架。有带子、油甘鱼、三文鱼、海胆。全部感觉都几新鲜,味道鲜甜无腥味。饱肚食物拣左鳗鱼炒饭($88),都系日式嘅炒法,较为湿身,味道唔会过咸,带有鳗鱼嘅啖啖香味。
烧鸡泡鱼干($36),首先前菜食下鱼干,点蛋黄酱,本身甜甜地,又唔会太干身。
烧安格斯牛粒串($32),呢个牛真系超正,出去食扒都好少食到咁正味道调得咁好嘅牛,油脂旺盛肉质鲜嫩多汁,牛味带晒出黎!
金菇卷牛肉串($22),外面嘅牛肉就唔系打边炉啲肥牛,肉质较厚身同结实,配合入面爽口嘅金菇,口感有好大冲击~
烧明太子鸡翼($16),入面嘅明太子好够,微微带辣,配合鸡肉系极大享受。
烧鸡软骨串($16),爽口得黎调味又惹味。
盐烧海中虾($22),大大只虾真系不得了,烧完又离壳,味道正宗鲜甜弹牙,带淡淡盐味。
日式烧茄子($22),另外有川味嘅选择,不过我地唔食辣,所以都系正常味好啲。调味方面唔似出面咁落重蒜蓉,反而系靠酱油同木鱼丝调味。
另外店主推介我地食下呢度嘅刺身,真系附近一带都食唔到架。有带子、油甘鱼、三文鱼、海胆。全部感觉都几新鲜,味道鲜甜无腥味。
饱肚食物拣左鳗鱼炒饭($88),都系日式嘅炒法,较为湿身,味道唔会过咸,带有鳗鱼嘅啖啖香味。份量大概两碗饭,两个人食啱晒。
黎居酒屋当然要啤啤佢,店主推介我地生啤(大杯$68)黑啤(大杯$68)两沟,味道又几特别㖞~
最后甜品时间我地试左绿茶同芝麻雪糕($28),感觉系好松软质感嘅雪糕,唔会好结实或者起冰粒,味道唔算好甜,都几自然。
呢度有室外同室内位,场地都几大,目测坐到50人,开party都得!室内好有居酒屋嘅木系感觉,室外就有啤酒吧,空气又流通啲,别有一番风味。
张贴