正品小館 (已結業)

跟姐姐及屋企人在佐敦食家常便饭，去咗呢间正品小馆，价钱好似回到未来，样样都系几十蚊，蒸鱼都只系几十蚊，仲有特价碟头饭$38海南鸡饭或豉汁蒸仓鱼，真系平到你唔信，唔好以为将货就价，水准都几好，分量亦唔会太少。杏汁花胶白肺，真心𠮶句好得，杏汁煮到起沙，食到一粒粒花胶未溶唒的口感，非常滑，呢碗汤十分滋润，饮咗即时觉得自己靓咗。杏汁白肺汤，唔要花胶都得，平$10，即系买$38。哗，蒸石蚝，$88份有10只，全部肥嘟嘟咁，真正。鱼茸粥煮得棉滑，味道啱啱好。油浸黄花原来即系炸，酥脆到骨及头都可以食。海南鸡饭超值，鸡滑，油饭香。冻马友 $88 食到，潮州酒家卖鱼饭随时要你百几二百，都唔会大条咗或者肥好多，呢度抵食。梅菜扣肉送白饭一流，扣肉唔系太肥，适合现代人需要。真心正，每人$160，食到饱饱，下次再嚟。