Cova Ristorante & Caffe (利園一期)

营业中

休息中

早一个星期已经谂住去中环间Cova，但系去到发觉环境唔系太舒服，而且食品好似唔够多。所以转而阵地，今个星期最终去了铜锣湾利园地下嘅Cova，先经过佢嘅饼店，再入到去，感觉好Grand，同其他分店嘅感觉完全唔同，店入面分开几个厅，每个area都好大，楼底又高，中环、又一城、海港城嘅分店跟本提供唔到呢种效果。我地试咗佢嘅tea buffet....1. 西柚汁 - 什拣一款果汁，我地拣咗佢嘅西柚汁，饮得出系新鲜制嘅。2. 甜品 - 有各款pastries, sandwiches，款款都整得细细粒，好精致，尤其系蛋糕，真系好好食 (但系牛油蛋糕最唔掂)。3. Coffee - 可以改选Cappuccino，不过我地两个唔喜欢浓味咖啡，还是点了两杯普通咖啡，不过真系好普通，同日本嘅咖啡冇得比。Comment: 有咁舒服嘅环境，加上咁多美点，得闲同三五知己去倾吓计，真系几写意嘅。