影片
更多
2022-07-07
2250 浏览
一直有帮衬开由旧舖开始，无论佐敦、尖沙咀，始终都系观塘呢间最好食。米线大碗、羊肉清新、加埋啲猪油渣真系好好食。但最近呢几个月佢越嚟越咸，食完好口渴。唔紧要，返去饮多两杯水啰。今晚再去食，埋单时拎出现金券。店员：呢张唔系我哋嘅现金券！我：吓！唔系你哋现金券？店员：总之我哋冇出过呢张现金券！冇㗎冇㗎！我：张券有晒你哋舖头名、地址、公司印㖞！店员：总之我哋唔收！你拎返$5出嚟！其实重点真系唔系$5，如果佢同我讲，而家老细话唔收、限期改早左，我都OK。但系，佢而家意思系：我拎部单反相机，去佢门口影佢张Banner，然后用Photoshop整张现金券，再拎去bannershop印，再去揾印章大王整个公司地址印，呃佢$5？我唔想同佢嘈，放低$5走人但真系唔会再返去食。
由旧舖开始，无论佐敦、尖沙咀，始终都系观塘呢间最好食。
米线大碗、羊肉清新、加埋啲猪油渣真系好好食。但最近呢几个月佢越嚟越咸，食完好口渴。唔紧要，返去饮多两杯水啰。
今晚再去食，埋单时拎出现金券。
店员：呢张唔系我哋嘅现金券！
我：吓！唔系你哋现金券？
店员：总之我哋冇出过呢张现金券！冇㗎冇㗎！
我：张券有晒你哋舖头名、地址、公司印㖞！
店员：总之我哋唔收！你拎返$5出嚟！
其实重点真系唔系$5，如果佢同我讲，而家老细话唔收、限期改早左，我都OK。
但系，佢而家意思系：我拎部单反相机，去佢门口影佢张Banner，然后用Photoshop整张现金券，再拎去bannershop印，再去揾印章大王整个公司地址印，呃佢$5？
我唔想同佢嘈，放低$5走人
但真系唔会再返去食。
140 浏览
0 赞好
0 留言
张贴
