一條腸粉 (已結業)

最近屋企装修，琴日难得请一日假，就约埋好朋友一齐旺角食lunch，顺便陪我去买家私。我同佢本身都好钟意食潮州肠粉，见到呢间一条肠粉，而且唔算多人唔洗排队，就入去试试。之前食好多肠粉点心店都好窄好逼，估唔到呢间又唔会，佢入面都算阔落同埋光猛，唔会坐得好逼，而且干净企理。我地叫左2个招牌潮州皱皮肠粉，一碟系叉烧、菜脯加蛋。另外就系鸡蛋牛肉肠粉。佢份量都算大碟，而且唔够豉油可以另外叫佢加一小碗，味道唔错，略嫌皮厚左少少，如果可以再薄d就更好。除左肠粉，我地仲叫左几款潮汕小食同点心。呢碗牛肉饼汤真系好好饮，我同个frd share左一碗，牛肉饼扎实而且好够鲜味，而且汤落左好多葱，真系拍得住潮州牛丸味道，我地两个都大赞。小食方面，我地叫左炸馒头，佢每一粒都系迷你版，一啖一个，炸得够酥脆，加炼奶好好味。鹌春蛋烧卖咬落juicy，菜苗饺入面真系有大大只虾，好足料。买单成张枱野食，一个人都唔洗一百，都几抵食，真心唔错。