魚蛋哥

营业中

休息中

今日为食虫作动，于是畀个机会呢间上次中伏嘅食店，叫嘅当然唔系上次嘅鱼肉碗仔翅以三样啦！而系鱼肉烧卖，以及萝卜鱼蛋猪皮，呢次无中伏，仲好好食添。鱼肉烧卖，卖相唔掂，咬落有啲硬，但胜在有鱼味。萝卜鱼蛋猪皮，鱼蛋有辣同唔辣可以选择，我拣咗辣嘅，佢唔系陈皮鱼蛋，只系普通嘅鱼蛋，以一个唔食得辣嘅人嚟讲，佢辣度好够，但同街市买嘅鱼蛋一样，唔好谂住会有鱼味，得个爽同弹牙。猪皮厚身爽口够味道，佢唔系用杂货舖买到嘅油泡猪皮，而且有用调味料焖煮过，唔系好似有啲舖头咁白烚。萝卜，呢个系最正，清甜无渣，超好食。合共$38，呢个价钱起旺角亚皆老街，近朗豪坊，算系合理。