小店

营业中

休息中

呢间舖头非常大，有好多位，谂紧午餐食咩好嘅时候见到里面座无虚席，门口嘅Menu正正常常，价位仲非常抵， $47个餐包汤包嘢饮。成间餐厅好友以前中学食颓饭嘅气氛，餐汤系有味嘅水，有啲萝卜粒同粟米粒，饮咗两啖就唔想饮。原本我以为龙利柳会系一块或者一条咁上，点知原来系一粒粒，炸粉都几厚，三色豆俾得好大方，意粉完全系滚水碌完上碟，软林林都唔知食紧乜，汁系唔够嘅，不过你可以问店员攞多啲汁。呢块牛比较好，都算有牛味，不过就薄得好紧要。$47个餐，都预咗唔会好味得去边，不过真系颓咗少少。