德國餐廳 (已搬遷) 新店位置

之前已经试过元朗分店，觉得水准都ok，今日朋友话黎试下屯门𠮶间，我当然一口应承啦。Fruli Strawberry， 之前饮过一次一直无忘记过佢，今次系个 drink list 度见到简直系喜出望外 ，不过但系点解上次喺元朗店好似唔多觉佢喺度既！？ 佢个士多啤梨味超级香，甜度亦啱啱好，作为餐前酒真系无得顶啊。烟三文鱼凯撒沙律，沙律菜劲新鲜，又有小小洋葱同埋芝士喺面，真系啱哂我，烟三文鱼唔会太咸，味道啱啱好，同啲菜夹住食就最啱 key 啦。墨西哥香葱芝士薄饼，一上枱热辣辣到仲有少少辣手㗎，芝士味劲浓，食得出唔止一只芝士喺入面，热辣辣令到啲芝士啱啱溶化，个 creamy 嘅感觉真系劲正。美式烧排骨，见到烧排骨烧到橙红色，劲 juicy 已经令到人食指大动，一啖食落去，酸酸甜甜劲开胃，又有香烤既香味，啲肉又唔会整到好鞋，啱啱好容易切，真系想嗌多一份啊。估唔到屯门店仲比元朗店好食多啲， 以后黎屯门又多一个新蒲点啦。