王府

营业中

休息中

去大会堂听音乐会前o黎食晚饭，平时中午多数去对面分店。第一次o黎呢间，我以为净食水饺、面及小食，原来仲有小菜。细并盘-有镇江小排骨、熏鱼、海蜇、粉皮及手丝鸡，虽然系小并盘，不过份量好足，而且35蚊一碟，好抵食。最差就系手丝鸡，又硬又”鞋”、熏鱼亦好咸、海蜇用了泰式甜辣酱，几特别，粉皮好滑，加了又香又野味的芝麻酱、小排骨肉质ok，不过味道唔似系镇江的甜甜酸酸味，豉油味较重。芝麻酱冷面-麻酱很香，加了芥辣，更增添香味。京葱羊肉饺-肉汁及汤汁亦丰富，虽然好够羊肉味，但缺少京葱的香味。醋溜大白菜-对我来讲好够酸度，好好食，但其他人未必接受到，大白菜即系黄牙白，煮得好爽口，不似广东式煮到腍腍的。晚膳还每人送杯豆浆，完全唔甜，亦有豆味，唔错。