泰發泰國餐廳

营业中

休息中

隔离部门同事约下次食饭，话公司附近开咗间新嘅泰国餐厅。同事夜晚食过都几好食，咁呢我哋部门同事就早着先机去食先😂lunch时间去都几多人要等位，铺头细细咁冲动八九枱。我哋一行四人，就叫咗四个午餐。冬阴公汤河，多莞茜😍好味虾几大只仲爽口少少辣。菠萝炒饭啲新鲜菠萝好大粒好开心😋好足料泰式金边粉，粉湿左啲啲，好好味不过差左半边青柠。青咖喱鸡饭，呢啲时候最怕唔够汁，呢度好大碗咖喱汁𩠌饭👍🏻👍🏻👍🏻多汁到可以做青咖喱汤饭赞👍🏻好多豆角好健康，不过呢佢哋用鸡柳唔系用鸡球。四个餐都包饮品，我加左五蚊叫龙眼冰⋯同唔使加钱嘅柠檬水size一。样。细⋯同埋呢度饮唔选择就少，有既都系纸包，可能午餐平所以无得拣。唔使加一只系$45抵食。值得一提，平得黎份量系大仲足料，食到好饱，返到公司四个都不约而同饭气攻心劲眼瞓，好彩唔使开会😂下次再黎食。