泰發泰國餐廳

营业中

休息中

每次去洗手間 都睇到泰發的員工 去完洗手間 揸完條小烏 唔洗手直接出去。 諗唔到泰國人衛生情況可以和 印度比拼 衛生又乾淨 你可以不吃 但一定要請你朋友去吃 有便秘嘅朋友有福啦 免費肚瀉

lunch諗住求其食，叫左個青咖哩雞飯，結果個青咖哩未埋芡，好似湯水咁，雞難食好硬，以後唔會再食，大約$60左右連埋泰式奶茶（超甜），好似canteen啲$20飯質素👎🏻

係附近行完山，睇地圖發現呢邊原來都有好多野食😋 有好多小店最後揀左呢間比較多人食既泰菜。天氣轉涼好多人都中意坐外邊既座位;都幾chill😎叫左泰式燒牛肉🥩🥩望見好似比較生但睇返同餐牌幅相都一樣，我諗呢個係佢地既做法。食落有燒烤過既香味同醃料既味道。唔會太韌，不過我都係覺得生左d😅另外叫左個咖喱椰青焗海鮮🐙🤩加埋蒜蓉包，咖喱好味海鮮就有魷魚，蝦，青口；咖哩入面加左好多椰青肉口感都幾得意。整體味道正常😊

位於盈豐商場 絕對唔係市中心地段不過呢邊餐廳比較平民化 抵食呢間泰發係九龍城都有分店份量多 仲要唔使加一😎最好食係泰式芋頭海鮮焗飯 ($69)Carbs on carbs 😈賣相勁似福建炒飯🤣但食落唔同有一粒粒芋頭粒 入面海鮮都唔少有魷魚、蝦同蜆仔 幾有口感唯美中不足係食到最底好多油🥴完全係油浸飯 但整體味道係唔錯👍🏼泰式炒金邊粉 ($60)正常炒金邊粉味道 配雞肉不過炒得唔夠乾身 比較濕🆗飛天炒通菜 ($55)份量都多 菜唔霉 一般水準 食得過😂芒果沙冰 ($30)好少芒果味😂 純冰涼 不推介

媽咪聽晨運朋友推介，在屯門盈豐商場地下嘅泰菜館 <泰發泰國餐廳>，加上她取消供了十年有多的保險，而取回大部份供款；所以，她決定請我們全家人食泰式晚餐！ Menu我們覺得套餐固定的款式不太啱大家口味，散叫較適合大家！椰汁冰 $25青蘋果梳打 (限定) $25最令我失望！用上青 BB 色的青蘋果糖漿混合梳打而成！冰涼又酸酸地，並非預期加入新鮮青蘋果，純粹影相好看一點吧！椰青 $32椰青焗海鮮飯 $89海鮮包括：蝦、青口、魷魚及椰青肉 椰香洋溢，混合軟身的椰青肉，飯熱辣辣又好夠味，每一啖滲出香甜椰汁味，當中魷魚口感超嚼勁，少啲牙力都食唔落！除了魷魚問題之外，整體上，我們全家都喜歡！芒果蟹肉粒炒飯 $70甜美的芒果、少許的蟹肉、炒飯幾乾身又有鑊氣！肉碎生菜包 $66未嚐已傳來陣陣香氣， 肉碎份量豐足！加入香茅、紫洋蔥，相對惹味， 生菜新鮮爽脆嫩綠！虎蝦粉絲煲 $128有 6隻有鮮味的蝦， 可能買不到虎蝦；粉絲入味富彈性之餘，還加入一點肉碎，口味不單調又添鮮味！

職員態度好欣勤，收碟、送餐都好爽手。態度好友善叫左好多食物：1️⃣生蝦刺身好得個蝦頭炸到好脆蝦刺身食落都新鮮2️⃣蝦餅拼春卷，中規中矩，不過不失3️⃣招牌檸檬牛肉牛肉好冧身又大碟 好好味，有少少辣椒係面，除左辣仲有d鹹有芥蘭墊底。4️⃣芋頭海鮮焗飯好大碟，海鮮份量都好多，有魷魚，蝦… 其實仲叫左5️⃣蟹肉芒果炒飯，味道都好食，不過油左少少6️⃣鹽燒烏頭，香茅味重，味道就普通啦，唔會太鹹最後就梗係叫左啤酒同泰式奶茶🥤叫左咁多野食，都係7百幾蚊，抵食

2022.09.01今晚係咪黑仔夜？原本去屯門食泰國菜,去到點知關門大吉,咁改去呢間餐廳,有枱不過唔可以俾我哋入去,因為有人訂咗枱,我哋要8:30先至可以入座,跟住諗住去虹橋食意粉,有人話唔食,咁就揀咗新金榮,點知中伏…..🙄🙄🙄#198蚊嘅酸菜魚#份量勁少#蘿蔔硬骨骨#元朗千色店九記好味過佢幾倍#份量又多過佢#價錢都平過佢#滷水鵝#唔知以為我哋叫咗碟皮食#大家記得千萬不要叫酸菜魚#真係好伏#仲有滷水鵝#叫佢唔好淨係俾d皮你哋

想反轉一下，可以考慮試一下⋯如果特別好好（味丹）呢間係推介！星爺話齋：支飲管有咁粗得咁粗⋯冬蔭公夠晒味丹味，生菜肉碎包，夠晒濕淰淰👍🏻係食過最有記憶既生菜包NO.1 ，最精彩係個👍🏻👍🏻👍🏻佢地推介泰式燒牛肉（$12x) 一定要試，酸+鹹味剛剛好，覆蓋晒d牛肉原來既味道！仲有個芒果蟹肉炒飯，有芒果既，最特別係撈出黎既，要試！👍🏻露天有煙吸，食煙嘅朋友，一定要嚟因為坐室內都可以免費吸煙（慳返成包煙）真心佢啲餸真係平，但真係要叫多2罐汽水⋯ 見到咁多食評家都寫好評大讚！就要試啦～

逢星期五就休息日唔煮飯，今天想吃泰國菜。老公揀咗泰式芒果蟹肉粒炒飯（限定），竟然叫到。我就叫咗炒金邊粉和炸蝦餅，盛惠$195。炸蝦餅都幾大件，味道唔錯，夠熱又脆👍🏼。飯同金邊粉份量都好充足，女仔食可以2人share 1個飯+1個小食都夠飽。芒果炒飯，芒果和蟹肉都不算多，味道不過不失。金邊粉雞肉很多，我都食唔晒。老公認為美中不足是蟹肉粒炒飯食到尾有陣油，太過油膩（聲明一下佢比較喜歡清淡）。整體來說，還算不錯會試其他款

今日去左屯門探個朋友，夜晚出去買唔同餐廳既外賣返屋企食～之前食過一次呢間泰國菜覺得唔錯，今次encore但係超失望。。。。不得不寫comment！😩我地叫左個泰式金邊粉，泰式干炒雞脾河同埋兩串串燒牛肉🙁1. 泰式金邊粉唔酸唔甜唔鹹無味道既，蝦肉完全唔爽又霉，難食！🤢 (圖中就係食淨既份量🙄)2. 泰式干炒雞脾河呢個有味道，唔會太油，但係雞脾肉都唔滑，水準非常十分普通3. 串燒牛肉好乾好韌，牛肉難食，但個醬幾香沙爹同花生味，最後拎左黎配係其他餐廳食淨既白飯黎填飽個肚。。。諗住呢間係九龍城起家既連鎖泰國菜唔會差，點知超失望🤦 無下次！👎

見食飯時間度度都大排長龍，唯獨泰發泰國餐廳人流稀少，諗住食個快飯就完成工作。入到去睇餐單，覺得泰國嘢已經食到厭，所以點咗個炒飯黎食……泰式海鮮炒飯聞出黎係幾香，但材料欠奉，所謂的海鮮只係幾粒蜆肉，真係大失所望。事後諗返泰式，係咪指上碟個形狀咋？埋完單出鋪頭，有蝦片出售，然而裝住蝦片既紙盒竟然寫住味丹超級味精……OMG!

本身上網睇食評講到呢間位於屯門盈豐商場地下呢間泰國菜「泰發泰國餐廳」好似好好食～點知同家人去食～大家不但對服務態度感到失望～連最基本嘅食物都點解會咁難食！我哋點咗幾款食物～1）檸檬燒牛肉（餐牌寫住 No.1）餐牌上寫住一條辣椒🌶️～點知出到嚟係辣到癲～（本人自問都食得辣～沙律佢都係寫一隻辣椒🌶️我食過都唔係辣）加上燒牛肉唔知點解好似擦子膠咬極都咬唔開～好硬～我哋每人食咗一塊（3小塊）問佢點解咁硬～服務員態度超差～之後走開唔理我哋～2）金柚沙律呢個係全餐入面算係正常嘅一碟3）明爐魚魚唔新鮮都算～成條魚唔入味～個火都未開始食嘅時候已經熄咗～配料無咩味～我哋只食咗一邊魚尾成條又就咁放係到無食～4）魚露雞呢隻雞就不得不提～圖中大家應該見到～啲雞「鞋」到好似煲完湯咁！不單止一啲魚露味都無～真係「超級難食」！！！我表達緊啲食物點解會咁難食嘅時候～其中一名侍應仲要大大聲咁話「唔洗理佢」食物差態度更差到爆～我哋食淨勁多～基本上只食咗沙律7成、雞幾件、魚尾一邊仔、每人一塊牛～（即係好似人哋試咗食咁就走）埋單一蚊都不能少～收$422好嘢！食飯仲要受氣！「人生中最難食嘅泰國菜」非呢間「泰發泰國餐廳 -屯門盈豐店

之前在九龍城食過一次泰發，今日去開屯門，見倒有分店，所以就走咗去食。檸檬燒牛肉檸檬燒牛肉一定要試，絕對無得輸！檸檬燒牛肉剛上枱時，已聞好香，食落去牛肉好滑好淋，有牛味，有少少辣味，提升了牛肉的肉香味。底層鋪咗一啲芥蘭，吸收晒所有牛肉汁，超級好味。生菜包生菜包 - 都係值得推介，佢嘅香料味好重，我地叫左小辣，辣度都有啲強，但辣得來非常惹味，有濃濃既冬陰公味，配埋生菜一齊食好得，我覺得配白飯食都唔錯。泰式小食拼盤泰式小食拼盤 - 炸皮蛋，春卷，炸蝦餅，炸魚餅，串燒，最好食係炸蝦餅，夠彈牙，炸到金黃香脆紅咖喱雞脾相對上就一般了，咖哩唔夠香同辣，雞脾還可以。另外點了蒜蓉包用來沾咖喱食，蒜蓉包好香牛油味，唔錯，不過如果蒜蓉味可以再濃啲就好。椰青焗海鮮飯椰青焗海鮮飯 - 整個飯都充滿椰青既甜味同香氣，海鮮雖然唔多，但個飯好好味。重點一題既係。這餐廳既食味質素真係相當好，但服務態度就真係差到一個點，希望可以改䓀一下啦。

對上一次食咗間元朗泰菜，又貴又唔飽，味道又唔惦，今次去呢間泰菜，其實都好食，但未至於最好，但價錢就好合理。呢間原來係九龍城泰發分店，其實嗰晚爆場，佢地加開商場鋪位加檯，都係大排檔格局，叫咗個泰式蠔仔蛋，泰式炒金邊粉同蒜蓉炒雜菜。飲品係芒果沙冰同藍妹啤酒。芒果沙冰足料，但甜咗D。炒雜菜耶菜Ok，但D芥籣有D苦，紅蘿蔔OK，但碟菜細碟。炒金邊粉好水準，D粉唔會太濕，而且炒得均勻，每條都沾到D蕃茄汁，又有魚露D鮮味和香葉的味道，入面有D蛋絲，肉碎，芽菜咁，好有口感幾香口，都大碟。至於個蠔仔蛋，好大碟，鐵板上，入面好多蠔仔，又有芽菜，成碟蛋炒得嫩滑，食落又鮮，好好食，加埋D甜酸辣醬食，正呀，D啤酒價收得合理，呢餐三人食，都好飽又經濟。

这裏的食品充滿泰国地道风味，我尤其喜欢他们的東陰功湯金邊，餸是任搭配的，我今次试了墨魚丸，墨鱼丸很單牙，而且味道不错，而我朋友点了豬頸肉，我吃了一塊，烤得几香，又爽口。而他们的東陰功湯底看红似很辣，其实不太辣，而且很浓郁，咁晒我。