Two Ediots

营业中

休息中

Openrice做外卖自取，令我揾食范围扩大咗好多。今次第3次帮衬，食过啡菇芝士牛肉汉堡，简直返唔到转头。今次翻啅叫Lunch set，因为CCB信用卡优惠，计落免费加多个Cheese Sticks。啡菇外脆内嫩又juicy，加上同样又厚又juicy的汉堡，酱汁很惹味，份量刚刚好，就算外卖拎到返去都唔会整湿哂个包。虽然高身到一啖咬唔到一个纵切面，但又唔至于搞到好呢hea。Lunch Set包埋薯条汽水，粗薯条，薯味好足，外脆内软，唔驶点茄汁就咁食就好好味，佢仲加咗少少紫菜粉吊味，食到停唔到口。但外加𠮶份Cheese Sticks，明显被薯条比下去，粉太厚好硬身，见到好多芝士，但味唔出(唔知系咪食咗薯条先所以掩盖咗芝士味)，偶尔先食到少少芝士咸味。整体而言，$88有呢个质素的burger set, 物超所值，而且质素很稳定，外卖都包装得好企理，员工也超nice，十分推荐，行远d过嚟都值得。