影片
更多
2011-12-09
56 浏览
太太颇为喜欢嚟依间「艺术茶座」食晏，主因系钟意佢个环境，大露天茶座式设计，因为位处香港艺术馆1楼平台，较少人会行去𠮶度，成个平台都系放七、八张枱，开扬又唔嘈杂，一边对住半岛酒店，一边对住文化中心，再另一边对住对面海中环景。所以，佢久唔久拉埋同事嚟食晏，尤其晌星期六下昼，长周之时返半日，可以摊抖耐啲，食完唔使赶返公司，仲可以坐晌度睇吓书，嗒住杯咖啡，望吓「海景」，感觉好写意轻松，多少当依度系城市中嘅小绿洲！依个星期六，拉咗我嚟陪佢食晏。除咗主餐牌，都有提供午餐，「午市精选」提供一个主菜加一杯餐饮嘅简单午餐，共有6款选择，久唔久会转款，由$50-$85，另收加一服务费，都咪话唔贵，因为讲真，主菜睇匀又唔算叫好有特色或者特别吸引，故此，唔知系咪咁，就以往所见都唔算多客。香煎猪扒配士多啤梨汁 $50我哋两个主菜都系跟意粉，而意粉类别系扁意粉，煮得几有咬口无过腍，配菜有西兰花、椰菜花同甘笋仔，由于意粉同配菜都无乜经酱汁煮过，称得上白烚咁滞，味道偏淡，唯有靠主菜嘅汁酱。主菜香煎猪扒配士多啤梨汁，猪扒只得一块，但颇大块，无太多调味，简单香煎，又确系煎得几香几透，色泽金黄，不过咬落肉汁尚可。至于个汁，
依个星期六，拉咗我嚟陪佢食晏。除咗主餐牌，都有提供午餐，「午市精选」提供一个主菜加一杯餐饮嘅简单午餐，共有6款选择，久唔久会转款，由$50-$85，另收加一服务费，都咪话唔贵，因为讲真，主菜睇匀又唔算叫好有特色或者特别吸引，故此，唔知系咪咁，就以往所见都唔算多客。
香煎猪扒配士多啤梨汁 $50我哋两个主菜都系跟意粉，而意粉类别系扁意粉，煮得几有咬口无过腍，配菜有西兰花、椰菜花同甘笋仔，由于意粉同配菜都无乜经酱汁煮过，称得上白烚咁滞，味道偏淡，唯有靠主菜嘅汁酱。主菜香煎猪扒配士多啤梨汁，猪扒只得一块，但颇大块，无太多调味，简单香煎，又确系煎得几香几透，色泽金黄，不过咬落肉汁尚可。至于个汁，淡粉红色，带有粒粒士多啤梨，唔算太讨好，味道亦未有咩惊喜，因为士多啤梨味比较弱，而且略为甜，个人觉得唔太夹猪扒。
香煎西冷牛扒配黑椒汁 $72一样嘅扁意粉，一样嘅配菜，只系换来香煎西冷牛扒配黑椒汁。薄薄一片嘅西冷扒，真系几薄吓，都系得一块，煎得有啲干身，肉汁欠奉，不过，又唔嚡㖞。黑椒汁永远都系牛扒嘅好朋友，黑椒味浓，辛辣，叫做为碟平淡单调嘅意粉添啲色彩。老老实实，卖$72确系有点贵，跟连锁快餐店质素唔系高好多。
咖啡．茶太太要咗杯红茶，系Lipton茶包；相对哋，要咖啡就好啲，系即磨咖啡，比起只用茶包嘅红茶有诚意啲。再者，咖啡芳香馥郁，我就钟意比较奶味重，一小罂牛奶任我斟就合我心水，可以斟多少少。不过佢提供嘅糖包就有啲唔专业，虽然有幼沙糖，有啡糖，但牌子好杂。
食物质素一般，所付出嘅价钱真系觉得俾晌个环境度，食环境多过食佢啲嘢。平日食晏匆匆忙为填肚，嚟依度匆匆食完就走，真系好嘥。所以，周六收工先晌艺术茶座打打趸，无论初夏抑或初秋我都觉得系好时节，暖和嘅阳光或微凉嘅清风，同样叫人舒泰醒神。都系唔好饮咖啡好，可以「恰」番阵都不知几爽！张贴
