影片
更多
2021-09-29
60 浏览
因为种种既忙碌好多日冇出去食面啦！😢😢系时候征服尖沙咀嘅拉面店啦！😂😂😂同事向我推介尖沙咀既一间日式面店，话以豪华既海鲜为主既沾面店，所以今次就黎哩间店试下！我叫左元祖终极龙虾沾面，沾面汁系用石锅上，送到台上面见到啲面汁系度沸腾紧，面用一般食拉面大细既碗装住。🥣🥣沾面汁试左啖，有好浓厚既虾膏既鲜甜味，冇海腥味，浓稠度真系好似粥咁。沾面汁入面原来仲有切成丁形既叉烧，而且好。大。粒！🤩🤩我就咁睇都有大约一个母指既尺寸。👍🏻👍🏻仲有成4-5粒！😋😋😋另外仲有🦐🦐虾肉粒都有1汤匙咁多？！🍜🍜沾面系使用方形太面，面既软硬今次选择普通，食用方法系面唧上青柠汁，夹起面沾上面汁食用。面身食落爽滑烟韧，沾埋面汁既虾膏鲜甜味配埋加左青柠汁既面黎食，唔会觉得滞，青柠既酸味觉得好清新☺️☺️🍥🍥配菜方面有三块叉烧，竹笋，京葱，半只糖心蛋同紫菜。叉烧系用五花腩圈起制成，薄切有三块，肥瘦比例大约一半一半吧？表面用火枪烧过食落有淡淡焦香😋😋竹笋食落好似冇再后期加工，有少少笋既怪味😗糖心蛋既蛋黄熟既程度大约一半左右，食落好似布丁，酱油既咸味啱啱好。京葱我就觉得切粗左少少，切到葱花既话会比较好🤔🤔🤔店内既设计系好似长走廊一
系时候征服尖沙咀嘅拉面店啦！😂😂😂
同事向我推介尖沙咀既一间日式面店，
话以豪华既海鲜为主既沾面店，
所以今次就黎哩间店试下！
我叫左元祖终极龙虾沾面，沾面汁系用石锅上，送到台上面见到啲面汁系度沸腾紧，
面用一般食拉面大细既碗装住。
🥣🥣沾面汁试左啖，有好浓厚既虾膏既鲜甜味，
冇海腥味，浓稠度真系好似粥咁。沾面汁入面原来仲有切成丁形既叉烧，而且好。大。粒！🤩🤩
我就咁睇都有大约一个母指既尺寸。👍🏻👍🏻
仲有成4-5粒！😋😋😋
另外仲有🦐🦐虾肉粒都有1汤匙咁多？！
🍜🍜
沾面系使用方形太面，面既软硬今次选择普通，食用方法系面唧上青柠汁，夹起面沾上面汁食用。面身食落爽滑烟韧，沾埋面汁既虾膏鲜甜味配埋加左青柠汁既面黎食，唔会觉得滞，青柠既酸味觉得好清新☺️☺️
🍥🍥
配菜方面有三块叉烧，竹笋，京葱，
半只糖心蛋同紫菜。
叉烧系用五花腩圈起制成，薄切有三块，
肥瘦比例大约一半一半吧？
表面用火枪烧过食落有淡淡焦香😋😋
竹笋食落好似冇再后期加工，有少少笋既怪味😗
糖心蛋既蛋黄熟既程度大约一半左右，
食落好似布丁，酱油既咸味啱啱好。
京葱我就觉得切粗左少少，切到葱花既话会比较好🤔🤔🤔
店内既设计系好似长走廊一样，入到店内，
左边系二人方台，右边系吧台型式既长台。
长台既墙壁系镜面再加上木材方格，睇落去好似日本某街道横町既窗一样。长台系用石材制，再系上面加左一块玻璃，櫈系有靠背既小形梳化凳，凳下面有篮提供比客人方背包手袋。
台上面有提供基本既调味料，而且每台客人都提供一包纸巾同另外有独立既湿纸巾！细心💖💖
店内既落单型式系自己写完纸交比店员落单，交完单之后店员会为客人送上热既绿茶，茶既味道啱啱好👍🏻可能系非繁忙时间，店内只见到一位店员，而且店员好勤力，见到杯茶冇会主动为客人加茶，赞哦！👍🏻👍🏻
价钱方面，因为使用既鱼介海鲜都比较足，
沾面一共$163，店内提供既绿茶会收返$5，
咁啱我消费个段时间有做9折，免左加一。
我自己个人觉得有少少贵既😅😅
不过材料咁足，会介绍朋友黎试下。
张贴