藏 (已結業)

上星期日我同我老虎乸🐯4周年，因为中午book左red mr唱k，近近地楼下就有呢间日本嘢食完先去唱。话说我老虎乸🐯食嘢要求高，又成日食日本嘢，但佢食完都话劲满意，觉得好值(好彩姐)。我点咗个餐有十件寿司同一件手卷，原来个玩法系厨师发板omakase，由厨师决定时令鱼生，即场手握和调味，吃完一件先造一件，上菜次序由淡到浓，每件都算高级鱼，其实360蚊真系抵食，仲包前菜甜品。包括北海道帆立贝、伊佐木、秋刀鱼、深海池鱼、金目鲷、𫚕鱼、海胆、右口鱼群边、拖罗手卷。而老虎乸🐯点左个龙虾海胆丼，用嘅系活龙虾、北海道马粪海胆，卖相一流，啱哂佢呢d港女打卡𠱓like。成餐饭最过瘾系同师傅嘅交流，佢会介绍返鱼生嘅特点，好开心长知识，呢个就系omakase嘅精萃例如𫚕鱼其实系成年嘅油甘鱼，油甘鱼不同年纪有不同名。伊左木嘅鱼皮火炙过后系好香，所以会连皮一齐做寿司。。。结论，食物环境服务卫生都高分，一定会再嚟，高度推荐。