金輝海鮮菜館

营业中

休息中

2020年11月8日星期日今日星期日放假入左西贡逛逛，逛到五点几有啲攰，想揾地方坐下，所以就提早食晚饭，惊晏啲会好多人要排队，系海边行左几间，最后拣左金辉海鲜菜馆。我地二人点左$448选4款𩠌菜，我地拣左海胆炒饭、椒盐濑尿虾、姜葱炒蟹、辣酒煮螺。海胆炒饭，味道唔错，有海胆，调味唔会抢左海胆味，但睇落似炒定一大盘，然后装出黎，因为摆落枱果时，啲饭唔松散，同埋唔够热。椒盐濑尿虾，肉够实唔梅，正常size，呢个𩠌可以，一人一只。姜葱炒蟹，呢个调味调得几好，但啲蟹完全唔得，肉系梅无口感，个蟹壳有一个大问题，真系得个壳，连蟹胃同蟹壳内既果层衣都无，煮过蟹既人都知，呢两样系唔会煮得甩，一系就无限翻煮，一系就重用，两人一只花蟹。辣酒煮螺，辣味够，酒味都有，份量够，但啲螺肉唔系好新鲜，有几粒仲系梅到烂，唔掂。加左一支蓝妹、两支可乐，总消费5百头。以呢个价钱两个人食海鲜餐系唔算贵，但系黎呢间到食，绝对唔抵食。