影片
更多
2009-06-28
24 浏览
懒洋咩的星期六, 3:30去钻石山睇TRANSFORMER2,所以近近地去左小食馆食个BRUNCH,男友挂住墨须, 我好想食碗仔翅, 好少可同佢同一谂法.粉仔- 其实系味精汤银针粉, 有冬菇丝, 冬菜, 葱花, 清清地饱肚之选.碗仔翅- 呢世人食过最多料既碗仔翅, 唔会熙了了, 啖啖粉丝, 肉丝, 冬菇丝, 木耳丝, 唔系沟水, 好味!煎墨须- 微热, 又唔系冻, 唔辣口啰, 一咬就开, 连埋D唔辣既豉椒沙嗲汁, 男友想ENCORE~火牛- 即炸牛丸, 香口, 大粒, 劲热(气)炸肠- 炸肠仔啰, 好好味架!杂绵走辣- 即系猪姐, 猪皮, 萝卜, 生菜样样有D, 豉油汁.道X蜂蜜绿茶- $5, 最适合配以上味精食品.黎呢度食野, 有好多暗号, 唔识唔紧要, 可以昅下人地食紧乜野照叫, 或者叫番你想要既"材料", 例如:炸鱼旦- 有分BB旦, 炸旦, 老旦, 鸳鸯旦, 讲紧系炸既时间, 老旦...坚硬...炸肠仔- 水枪, 炸肠, 老柴, 同上, 水枪冇炸过只系渌熟, 老柴又系炸到黑晒咁样...生菜鱼肉/ 碗仔翅- COMBINATION极多, 两沟, 三沟, 翅公, 翅针...呢样等大
所以近近地去左小食馆食个BRUNCH,
男友挂住墨须, 我好想食碗仔翅, 好少可同佢同一谂法.
粉仔- 其实系味精汤银针粉, 有冬菇丝, 冬菜, 葱花, 清清地饱肚之选.
碗仔翅- 呢世人食过最多料既碗仔翅, 唔会熙了了, 啖啖粉丝, 肉丝, 冬菇丝, 木耳丝, 唔系沟水, 好味!
煎墨须- 微热, 又唔系冻, 唔辣口啰, 一咬就开, 连埋D唔辣既豉椒沙嗲汁, 男友想ENCORE~
火牛- 即炸牛丸, 香口, 大粒, 劲热(气)
炸肠- 炸肠仔啰, 好好味架!
杂绵走辣- 即系猪姐, 猪皮, 萝卜, 生菜样样有D, 豉油汁.
道X蜂蜜绿茶- $5, 最适合配以上味精食品.
黎呢度食野, 有好多暗号, 唔识唔紧要, 可以昅下人地食紧乜野照叫, 或者叫番你想要既"材料", 例如:
炸鱼旦- 有分BB旦, 炸旦, 老旦, 鸳鸯旦, 讲紧系炸既时间, 老旦...坚硬...
炸肠仔- 水枪, 炸肠, 老柴, 同上, 水枪冇炸过只系渌熟, 老柴又系炸到黑晒咁样...
生菜鱼肉/ 碗仔翅- COMBINATION极多, 两沟, 三沟, 翅公, 翅针...呢样等大家谂谂喇~ 好易估架咋!
张贴