A NOY 麵包舖

营业中

休息中

星期六下午3点8嚟到小店，职员表示老板接到大单，所以暂时未能提供芝麻饼😣，要到5点先有。5点去到，职员仍然表示有大单，所以未有芝麻饼😫。原来面包店不停接大单，所以好似我呢D只想买几块试下嘅人，就永远都买唔到….😢 我明白接大单紧系好过小单，但系好多好似我地呢D游客，真系一年都唔会入坪洲一次，食唔到坪洲名物真系深感可惜。而我到最后之所以买到4块，系因为不停哎职员卖几块比我地，同埋走埋班船先买到….😔上岸必食小食之一-------南乳黑白芝麻饼$4大大块，直径大概10CM，到手果阵仲暖，隔住个胶袋都闻到香味!!🤤 口感偏硬，南乳味唔重，芝麻味好浓好香，系一块好食嘅芝麻饼，而且$4一块好抵。如果店主可以改善下销售方法就更好，例如接大单之余，亦留分部饼做小单，另外可经社交平台接纳大单，尽量避免接即日大单，我见当日有唔少游客扑空😣。最后提下大家，早D去小店买饼，或者同朋友一齐夹做大单(好似50块以上)。否则，唔驶旨意食。