影片
更多
2021-04-07
1512 浏览
一连几日复活节假，除咗头两日有啲zoom聚会之外，无特别搞啲咩活动，因为，相信无得出远门，晌香港度度地方都会逼满人。而今日，早上完成zoom之后，出去晌荔枝角公园走走，再行落去荔枝角揾食。行近到D2 Place Two附近时，接过张单张，话喺新餐厅，又有9折，就上去睇睇呢间「INN」（I’m Not Nothing）喺点先。张单张除讲明午餐有9折外，仲可以储印花，储满8个就可以换一客免费午餐，而午餐嘅定价喺$82-$138，都喺我哋打算消费嘅范围内，加上，本身我哋都无话心水要试边间，都喺睇啱就帮衬𠮶只。都好一段日子无嚟「忆利工业中心」揾食，餐厅位处「忆利」二楼，一出电梯就见。无论门口，定室内，装修得都几骨子，一室以白为主调，放置咗啲罗马柱，又摆放唔少植物，挂上细细盏嘅水晶吊灯，整体感觉休闲。而大部份座位都选上藤椅，坐起嚟都几舒服，只喺稍稍觉得啲位排得有点密。近入口嘅左边，即水吧侧，仲有一张四人大木枱，可谓自成一角，私隐度更高。午餐嘅选择都唔少，由轻怡嘅到重肉感都有，共11款，不过，更正吓佢单张所提及嘅定价，应该喺$88-$138，包餐汤及餐饮，但餐饮只限选$28以下，转饮其他嘅，就有半
张单张除讲明午餐有9折外，仲可以储印花，储满8个就可以换一客免费午餐，而午餐嘅定价喺$82-$138，都喺我哋打算消费嘅范围内，加上，本身我哋都无话心水要试边间，都喺睇啱就帮衬𠮶只。
都好一段日子无嚟「忆利工业中心」揾食，餐厅位处「忆利」二楼，一出电梯就见。无论门口，定室内，装修得都几骨子，一室以白为主调，放置咗啲罗马柱，又摆放唔少植物，挂上细细盏嘅水晶吊灯，整体感觉休闲。而大部份座位都选上藤椅，坐起嚟都几舒服，只喺稍稍觉得啲位排得有点密。
近入口嘅左边，即水吧侧，仲有一张四人大木枱，可谓自成一角，私隐度更高。
午餐嘅选择都唔少，由轻怡嘅到重肉感都有，共11款，不过，更正吓佢单张所提及嘅定价，应该喺$88-$138，包餐汤及餐饮，但餐饮只限选$28以下，转饮其他嘅，就有半价优惠。此外，亦可以加配法式班戟、其他甜点，小弟原本都有打算嗌多个甜点作结，但所拣嘅主菜份量实在比预期大好多，所以，就无再嗌甜点喇。
是日餐汤今日嘅餐厅喺黑松露忌廉汤，睇外观都几真材实料，入口，黑松露嘅香味好突出，而汤中仍然咬到微细嘅野菌粒，略嫌喺个质感滑得嚟带少少糊糊哋嘅感觉，但整体确喺唔错嘅。
特色沙律碗 $88老婆想食清啲，所以，拣咗份沙律碗，餐牌就写住有牛油果、希腊芝士、藜麦、车厘茄、羽衣甘蓝，配以柠檬香醋汁，实际就仲有啲火箭菜、樱桃萝卜，睇起嚟色泽亮丽，非常丰富。无论边样食材，老婆都赞够晒新鲜，希腊芝士提升咗一入咸香味，而个柠檬香醋汁亦令到个沙律更加酸香清新，真喺越食越开胃。再者，藜麦、羽衣甘蓝都喺啲有营食材，食落叫人更健康。
特色沙律碗
$88
71 浏览
0 赞好
0 留言
原本打算点香草羊架，可以是日午餐未有供应，可惜！可惜！不过，猪肉眼都好有兴趣，尤其配肉桂苹果酱，喺老婆超钟意嘅口味。不得了，件猪肉眼劲大件，仲要成吋厚，最紧要喺煎得香脆，而肉质软腍松化；个苹果酱都好正，除咗带有浓郁嘅玉桂香之外，仲有大大粒嘅苹果肉，绝无欺场，其实件猪肉眼本身都唔肥，而配咗苹果酱，就更添风味。
香烧焗猪肉眼配肉桂苹果酱
$108
14 浏览
0 赞好
0 留言
除件猪肉眼大件外，啲配菜嘅份量都好多，而且，多样化，有幼滑嘅薯蓉，仲有甘笋、黄色嘅萝卜（好少见）、法边豆，所以，呢个主菜抵食。
派对白桃乌龙茶 +$24热花菜够啱老婆口味，所以，佢拣咗呢一款乌龙茶，叫做「派对」，喺睇到餐牌嘅英文写有白桃、菠萝、苹果，一心一意以为有啲似台式嘅花果茶咁，有啲鲜果肉跟茶包同泡，实际就唔喺，都只喺以茶包冲泡而已。乌龙茶嘅香味几唔错，白桃味都OK，但其他味道就欠奉少少喇。
鲜奶咖啡 +$19相对杯花茶，呢一杯鲜奶咖啡小弟就觉得高水准表现喇，拉花本身已几靓仔，线条幼细，又几对称，然而，重点喺咖啡入口好醇厚，咖啡嘅香味好香浓，带点果仁香气，喺饮得出靓唔靓嘅分别，而且，撞奶泡嘅手势几好，口感均匀顺滑。
鲜奶咖啡
$38
23 浏览
0 赞好
0 留言
张贴
