GREEN

之前嚟过食，个白酒蚬肉意粉劲好味，想再返嚟食，点知原来星期六日都系食半自助餐，咁唯有试吓。🤔海鲜拼盘： 每个semi buffet都会有一碟。虾冇咩味，唔算鲜甜。蟹脚劲咸！蚝都一般，冇咩味。 鲍鱼同埋龙虾就味道唔错。👌🏼前菜： 有啲精致嘅小点。其中最钟意嘅系鸭肝酱，放喺cracker上边，鸭肝酱味道咸香，忍唔住食咗几件。Parma Ham配蜜瓜味道如预期。吞拿鱼 tartar 味道一般，冇咩味。另外有周打鱼汤同埋椰子鸡汤。椰子鸡汤好味，好有椰香味。周打鱼汤都唔错。🤔主菜：👌🏼龙虾汁意大利饭 : 预期中嘅味道。Risotto 饭都算爽硬。烤焗盲𫚧鱼 : 放喺鲣鱼汤上边。条鱼本身好冇味，劲一般。🤔阿根廷西冷扒：味道正常，牛扒唔算juicy唔算tender。👌🏼甜品：比较钟意佢都颇多茶味甜品。其中我最钟意就系绿茶奶冻。其余就味道正常。另外仲有软雪糕，北海道牛奶味同埋烘茶味。不过烘茶味味道一般，都系觉得绿茶味会好d。环境： ★★★★☆食物： ★★★☆☆ 推介度： ★★★☆☆