稻坊 (荃灣廣場)

营业中

休息中

去荃湾一班人饮茶，又唔想等位，就试吓稻香。🌀樱花虾脆网肠粉🦐肠粉面头洒上樱花虾，入面夹少少炸两。炸两仲系好爽口，几脆，夹埋樱花虾，几香口，唔错。🌀香茜叉烧肠🐖叉烧唔够鲜味，似一早整好摆咗阵，味道普通，一般般旧式酒楼货色。🌀稻香虾饺王🦐虾肉都算爽口，中上水平。🌀三鲜炆米粉🍲米粉煮得太干身，虽然系炆米，但似冇乜味嘅炒米粉多啲。🌀超星级烧卖王🥡一笼烧卖有三款口味，配搭几新鲜，啱晒喜欢多变化嘅人。🌀香煎莲藕饼🧆莲藕饼系即煎嘅，入面有冬菇同粒粒莲藕，几爽口，外层又脆脆地，几好味。🌀脆皮鲜虾腐皮卷🥡腐皮好香口，炸到好脆，鲜虾就要味道唔出，不过配埋其他调味料，都几好食。🌀大良脆皮奶卷🍼上枱时已觉得摆咗阵，唔太热，而且比较甜，又冇乜奶香，可以不理。🌀奶黄包奶黄包冇流心效果，奶黄亦唔算丰富，有啲失望。🌀金钱肚金钱肚几惹味，亦唔算韧，质感适中，算好味。🌀荷香珍珠鸡质感可以，饭粒包喺荷叶入面都唔会过腍，调味适中。