影片
更多
2022-05-28
4176 浏览
约咗人喺观塘交收，由于时间尚早，决定先去鳄鱼恤中心叹个早茶，拣咗位于 6 楼嘅「玉桃轩酒家」。我哋大约 11am 到达，平日好少会咁早过嚟呢度饮茶，原来星期六、日及公众假期都有醒神优惠点心供应，不过就要 12n 点前结帐离座，即刻入单。鲜虾菠菜饺 ($29.8)：饺皮晶莹通透，可以清楚见到内里翠绿嘅菠菜同新鲜嘅虾肉，菠菜清甜多汁，虾肉爽口弹牙，食落好有口感。蒜茸鲜虾春卷 ($32.8)：春卷炸得好香口，入面有大大粒爽滑嘅鲜虾，而且上台时仲系热辣辣，咬下脆口不油，一碟四条，点喼汁吃，美味！药膳鸡脚 ($28.8)：鸡脚大大只，用药材汤浸住，内有杞子同桂圆，好足料，食落软腍又够入味，入口仲散发住浓浓嘅药材香。蚬芥炸鲮鱼球 ($26.8)：鲮鱼球炸到胀卜卜，入口外脆内软，鱼肉香脆弹牙，一点也不腥，配搭咸香嘅蚬芥酱，风味十足。烧味双拼饭 ($58)：烧味拣咗腩仔同叉烧，腩仔肥瘦适中，肉质细嫩，脆皮得嚟又唔会太肥。叉烧半肥瘦，肉质好松化，蜜味亦啱啱好，最正就系仲有少少㶶边，咬落去好甘香，用嚟送饭一流。姜汁千层糕 ($26.8)：千层糕烟韧有嚼劲，入口带阵阵姜辛，开胃解腻，用嚟做饭后甜品就最适合不
约咗人喺观塘交收，由于时间尚早，决定先去鳄鱼恤中心叹个早茶，拣咗位于 6 楼嘅「玉桃轩酒家」。
我哋大约 11am 到达，平日好少会咁早过嚟呢度饮茶，原来星期六、日及公众假期都有醒神优惠点心供应，不过就要 12n 点前结帐离座，即刻入单。
鲜虾菠菜饺 ($29.8)：饺皮晶莹通透，可以清楚见到内里翠绿嘅菠菜同新鲜嘅虾肉，菠菜清甜多汁，虾肉爽口弹牙，食落好有口感。
蒜茸鲜虾春卷 ($32.8)：春卷炸得好香口，入面有大大粒爽滑嘅鲜虾，而且上台时仲系热辣辣，咬下脆口不油，一碟四条，点喼汁吃，美味！
药膳鸡脚 ($28.8)：鸡脚大大只，用药材汤浸住，内有杞子同桂圆，好足料，食落软腍又够入味，入口仲散发住浓浓嘅药材香。
蚬芥炸鲮鱼球 ($26.8)：鲮鱼球炸到胀卜卜，入口外脆内软，鱼肉香脆弹牙，一点也不腥，配搭咸香嘅蚬芥酱，风味十足。
烧味双拼饭 ($58)：烧味拣咗腩仔同叉烧，腩仔肥瘦适中，肉质细嫩，脆皮得嚟又唔会太肥。叉烧半肥瘦，肉质好松化，蜜味亦啱啱好，最正就系仲有少少㶶边，咬落去好甘香，用嚟送饭一流。
姜汁千层糕 ($26.8)：千层糕烟韧有嚼劲，入口带阵阵姜辛，开胃解腻，用嚟做饭后甜品就最适合不过。
张贴
