影片
更多
2019-07-31
8364 浏览
老婆刚刚完成一个为期3天嘅实习，面对一啲特殊儿童，真喺需要花唔少心力，故此，带佢嚟到洲际酒店以创意「新派」日本菜式享誉国际嘅「NOBU」食餐高质素嘅日本菜，以示慰劳兼鼓励一下佢。是日天气非常好，到嚟呢一类「有景」嘅餐厅食晏，自然其附加价值更能突显。踏入餐厅，先喺俾客人浅酌嘅酒吧区，除日本清酒，其实依家日本出嘅威士忌都几有名，不过，始终喺午市时段，非饮几杯嘅黄金时间。但整体装修得几有有气派，如果夜晚嚟肯定颇有气氛。再走入啲，就喺用餐区，装修无话好重日本风，相反，就走摩登路线，加上地方宽敞，服务又好熨贴，予人感觉会喺轻松写意啲。整个用餐区都喺面向维港，180度维港景尽入眼帘，当然近窗口嘅枱喺「最佳观景」位置啦，偌大嘅玻璃窗，让阳光透入嚟，尤其是今日咁好阳光，个人感觉都清爽啲。餐厅中央嘅天花，亦都甚有特色，初时望上去都唔觉，细心啲睇喺一串串长形嘅贝壳物，之后，据店方介绍，原来喺海胆刺嚟，真喺长知识，仲用咗成45万支咁多，真喺唔知咁整法要花几多个小时。一黑一红嘅餐牌，前者喺食物餐牌，后者则喺饮品餐牌。打开食物餐牌，头几页就喺较多人会拣嘅套餐菜式，基本上有3大类别，分别喺「招牌便当盒」（$388
踏入餐厅，先喺俾客人浅酌嘅酒吧区，除日本清酒，其实依家日本出嘅威士忌都几有名，不过，始终喺午市时段，非饮几杯嘅黄金时间。但整体装修得几有有气派，如果夜晚嚟肯定颇有气氛。
再走入啲，就喺用餐区，装修无话好重日本风，相反，就走摩登路线，加上地方宽敞，服务又好熨贴，予人感觉会喺轻松写意啲。
整个用餐区都喺面向维港，180度维港景尽入眼帘，当然近窗口嘅枱喺「最佳观景」位置啦，偌大嘅玻璃窗，让阳光透入嚟，尤其是今日咁好阳光，个人感觉都清爽啲。
餐厅中央嘅天花，亦都甚有特色，初时望上去都唔觉，细心啲睇喺一串串长形嘅贝壳物，之后，据店方介绍，原来喺海胆刺嚟，真喺长知识，仲用咗成45万支咁多，真喺唔知咁整法要花几多个小时。
一黑一红嘅餐牌，前者喺食物餐牌，后者则喺饮品餐牌。
打开食物餐牌，头几页就喺较多人会拣嘅套餐菜式，基本上有3大类别，分别喺「招牌便当盒」（$388）、「自选便当午餐」（$408）、「瞬食午餐」（$368）、「文月大暑午市套餐」（$888）、「迷你定食」（儿童餐$300）、「丼」（$240 - $688）。「自选便当午餐」及「暖食午餐」睇落就最高性价比，当中以「暖食午餐」感觉划算啲，一份餐已包头盘、主菜（配味噌汤及白饭）、甜品，故此，我哋都喺选咗呢一款套餐嚟共享。
再翻开后几页，就喺散点菜式，分类为冷盘、热盘、陶板烧、刺身、寿司、寿司卷、天妇罗、面类、汤品。
饮品餐牌方面，主要就喺以酒品为主，如清酒、烈酒、鸡尾酒……等等，选择超多，喜欢饮酒嘅客人一定满心欢喜，其实，当入门口睇见一樽樽不同种类嘅靓酒，好酒嘅朋友已经可能心花怒放。但由于小弟都唔多识饮酒，所以，就无咩点影相。反而，影咗啲非酒精饮品作个人记录。
南美式蕃茄牛油果沙律（瞬食午餐）上过官网睇过其简介，主厨松久信幸先生结合日本东京传统的寿司训练，亦晌南美秘鲁、阿根廷，以及在世界各地游历，创出新派别嘅日本菜式，而呢一道沙律，就添加咗南美元素。卖相红红绿绿，感觉清爽，除牛油果，仲有南美嘅青蕃茄、红蕃茄、紫洋葱及藜麦，味道酸爽，令人越食越开胃，喺一道清新嘅头盘。
南美式蕃茄牛油果沙律
69 浏览
0 赞好
0 留言
杂锦刺身（瞬食午餐）另一道头盘就拣咗杂锦刺身，既然嚟食日本菜，当然食刺身就最能知道食材嘅用料喺点啦。话外话，既为高级餐厅，尤其日本菜，啲盛器都好赏心悦目，就好似头盘呢两只碟，都非常有雅气，而呢一道刺身三点，卖相精致亮丽，有甜虾、三文鱼及金枪鱼（吞拿鱼），每一款刺身都色泽光亮，新鲜度十足，而甜虾入口肉质黏黏哋却又有啲爽身；三文鱼鎅咗花，宁舍靓仔，十分油润；金枪鱼肉质柔软且细致，既鲜甜，鱼味又浓。
杂锦刺身
43 浏览
0 赞好
0 留言
味噌汤及白饭食完啲头盘，先饮啖味噌汤回暖番个胃先，个汤嘅面豉味浓郁而不浊，汤内嘅豆腐粒非常嫩滑。日本米向来都出名，睇过一套日剧「下町火箭2」，更能感受到日农嘅坚持同诚意，而碗白饭确喺好有米香，口感黏糯软熟。
杂锦天妇罗（瞬食午餐）食刺身就可以知啲食材用料有几鲜，而食天妇罗就可以知道师傅手势有几耍家，所以，小弟主菜就拣咗杂锦天妇罗，包括有两只海老、翠玉瓜、冬菇、紫苏菜、西兰花、蕃薯，以日本辣椒仔伴碟。唔单止炸得好靓，粉浆够晒薄，而且，香脆得嚟半点油腻都无，如披上薄薄金黄外衣，尽显功架。此外，海老肉鲜且爽，鲜虾味突出，几款野菜都好食，食出食材嘅原味，尤其啲冬菇同蕃薯，前者肉厚却爽身，后者则又粉又甜，可见用料亦不赖。
杂锦天妇罗
30 浏览
0 赞好
0 留言
鳕鱼西京烧（瞬食午餐）老婆一向喺银鳕鱼嘅死粉，所以，晌主菜一栏，佢完全无悬念就选上鳕鱼西京烧，卖相无太多花巧，但胜在件鳕鱼份量十足，好有睇头。除咗烧得焦香之外，肉质细致嫩滑，极富油香，绝对喺高质素嘅货色，再佐以点点甜味噌，味道更具层次。虽然个套餐已包头盘，若然上主菜时，再附加少少冷钵、渍物、先付之类，就变得更加相得益彰。
鳕鱼西京烧
31 浏览
0 赞好
0 留言
冻威士忌咖啡杯（瞬食午餐）如果你单睇中文菜名就比较难意会，若留意英文菜名用上Cappuccino一词，你就明白点解个甜品表面有咁多「泡」，真喺做到成杯意大利泡沫咖啡咁，而表面嘅泡泡幼滑如丝，口感轻柔，最得意喺带有阵阵酒香；而最底层喺咖啡奶冻，非常香滑，并晌奶冻面铺上唔少朱古力脆米，增加其口感，整体嚟讲有惊喜。
冻威士忌咖啡杯
41 浏览
0 赞好
0 留言
朱古力便当盒（瞬食午餐）另一款甜品又喺唔知咩葫芦卖咩药，初时以为喺有几款朱古力甜品拼凑埋一齐，啊！原来喺朱古力心太软伴抹茶雪糕。虽然，切开个心太软时，里面嘅朱古力浆唔喺澎湃咁流出，但亦做到流心嘅效果，此外，整个心太软嘅朱古力味喺超香浓，面头又糁咗少少果仁碎，好食；而抹茶雪糕既有抹茶嘅幽香，又有牛奶嘅奶香味，质感挺实而柔滑，两款甜品都叫人食得称心满意。
「NOBU」 不愧为一家享誉国际、全球知名嘅日本餐厅，虽然食个午餐都唔喺平，但论及环境、服务、食材用料，确喺物有所值。讲到服务一环，都想补充多句，每一类别嘅菜式，都会同步上枱，做足基本；由于侍应都知我俩会共享所有菜式，故此，每一轮都帮忙换上新碟，亦稍稍清洁一下枱面，保持整洁度。「瞬食」一词，有快速、便捷嘅一餐之意，由于窗外风景好，用餐完毕，我哋都多坐一会享受吓灿烂嘅日光，当然唔会急急脚咁走啦！
张贴
