新潮樓 (已結業)

如果话周末嘅九展犹如死城一样，咁新潮楼直情就系死城。星期日中午12点正，成间野只系得四枱人。侍应仲多过D客，真系好幽静休闲饮茶吹水好推荐潮州蚝仔粥佢应该改名叫蚝仔菜汤粥，睇个颜色就知佢咩料啦！完完全全就系菜汤，无论色泽、味道上都系菜汤。如果我拎著呢碗野去潮州度，话呢碗系潮州蚝仔粥，应该出唔番黎。$148 虾蟹枣吃到会令人爆粗嘅虾蟹枣！！！当然好味唔系个原因啦，原因系佢应该叫猪鸡枣而唔系虾蟹枣。唔同你讲嘅话，你应该唔知佢系虾蟹枣，一D虾蟹嘅味道都冇。做完呢碟野，只虾同只蟹应该只系轻伤，只要休养番一阵又可以做多碟！韭菜饼，太油，失败。普通烧卖，只能话好过唐言己。咸水角，只能话唐言己好味D。PS 其实间野𠮶位都极隔涉，唔通就系为左周末想比大家一个宁静嘅空间(?)PPSS 入去仲问我有冇book位，虽然知佢系循例问吓，但系见倒间野有9成空位𠮶阵，都系忍唔住笑左。