影片
更多
2018-12-17
84 浏览
山林道食肆林立, 今晚拣左呢间食日本料理嘅居酒屋开餐｡居酒屋以浅木色为主调, 非常简洁｡ 选择左坐 Bar 枱位, 因为可以欣赏到师傅手艺, 制作唔同嘅寿司 & 刺身｡前菜第一款: 牛舌｡ 牛舌煮到好腍身, 但由于系厚切, 所以都仲 Keep 到有爽口｡ 第二款: 蔬菜盘｡ 有椰菜、青瓜、萝卜, 非常新鲜, 咬落口 “索索” 声, 配埋个特色酱汁食, So fresh ~~针鱼刺身 + 炸针鱼骨季节限定, 鱼咀长到好似一支针咁, 鱼身较幼长｡ 店员话系每日由日本产地直送, 所以每日只卖 5-6 条, 卖晒就冇｡ 好彩今晚早黎, 所以仲可以 Order 一条试下｡师傅好细心咁片出鱼肉, 薄薄咁片出十几片｡ 鱼味虽然唔算好丰厚, 但非常鲜甜, 而肉质较细嫩弹牙, 配埋师傅特别调制嘅刺身酱油 + 姜蓉, 鱼肉嘅鲜味大大提升｡ 食完针鱼刺身, 个鱼头 & 鱼骨仲可以炸黎食, D 骨炸到脆卜卜, 系好好嘅佐酒小食｡特上锦绣寿司有8 款寿司 + 3 件卷物: 鲜带子寿司、牡丹虾寿司、加拿大海胆寿司、拖罗寿司、深海池鱼寿司、金目鲷寿司、左口鱼寿司、赤贝寿司 & 三文鱼卷｡牡丹虾 非常肥美, 口感细绵
居酒屋以浅木色为主调, 非常简洁｡ 选择左坐 Bar 枱位, 因为可以欣赏到师傅手艺, 制作唔同嘅寿司 & 刺身｡
前菜
第一款: 牛舌｡ 牛舌煮到好腍身, 但由于系厚切, 所以都仲 Keep 到有爽口｡
第二款: 蔬菜盘｡ 有椰菜、青瓜、萝卜, 非常新鲜, 咬落口 “索索” 声, 配埋个特色酱汁食, So fresh ~~
针鱼刺身 + 炸针鱼骨
季节限定, 鱼咀长到好似一支针咁, 鱼身较幼长｡ 店员话系每日由日本产地直送, 所以每日只卖 5-6 条, 卖晒就冇｡ 好彩今晚早黎, 所以仲可以 Order 一条试下｡
师傅好细心咁片出鱼肉, 薄薄咁片出十几片｡ 鱼味虽然唔算好丰厚, 但非常鲜甜, 而肉质较细嫩弹牙, 配埋师傅特别调制嘅刺身酱油 + 姜蓉, 鱼肉嘅鲜味大大提升｡
食完针鱼刺身, 个鱼头 & 鱼骨仲可以炸黎食, D 骨炸到脆卜卜, 系好好嘅佐酒小食｡
特上锦绣寿司
有8 款寿司 + 3 件卷物: 鲜带子寿司、牡丹虾寿司、加拿大海胆寿司、拖罗寿司、深海池鱼寿司、金目鲷寿司、左口鱼寿司、赤贝寿司 & 三文鱼卷｡
牡丹虾 非常肥美, 口感细绵带爽, 弹性十足, 味道甘甜浓郁｡ 加拿大海胆较大块, 而且仲好厚身, 颜色呈橙黄, 味浓而口感滑溜｡ 拖罗肉质鲜嫩肥美, 无筋, 入口即溶, 油香味浓, 食完满口油香。深海池鱼绝对可以用 “清、甜、爽” 黎形容, 无论味道同口感, 都同一般池鱼截然不同｡ 金目鲷油脂较平均, 肉质细腻肥美, 鱼皮用火枪轻轻微烧, 散发阵阵鱼油香味｡ 左口鱼肉质结实, 有丰富鱼油, 味道甘香鲜甜｡ 赤贝肥大, 肉质呈橙红色, 色泽亮丽, 口感非常爽脆, 味道够晒鲜甜浓郁｡
烟肉蚝卷
烟肉油香完全迫出, 所以口感非常香脆｡ 蚝肉唔会过煮, 火喉啱啱好, 仍然保留到嫩滑多汁｡ 烟肉蚝卷可以一次过食到 2 种唔同嘅口感｡
汁烧牛肋骨肉
将已腌制过嘅牛肋骨肉加上酱汁一齐烧, 嫩中带点嚼劲, 而且非常惹味｡
穴子天妇罗
外皮炸到金黄香酥, 内里肉厚而又雪白软嫩, 一 D 都唔油腻,
鲷鱼汤稻庭乌冬
餐厅自家制嘅汤底, 用上大量鲷鱼熬成奶白色嘅汤, 鱼味鲜甜浓郁, 配上幼滑细腻嘅稻庭乌冬, 绝对系大满足 !!
张贴
