稻香 (新九龍廣場) (已結業)

做冬要就老人家，近近地去左附近既新九龙广场入面既稻香食晚饭。5点9去到佢唔俾入，话未开，心谂，乜咁严架咩😅6点入去攞位等老人家，唔算好多人。老人家唔食得多，食既种类又有限制，所以都系无嗌餐，散叫。蒜片焗肉排，无谂过原来系排骨，同埋有啲避风塘既风味。整体黎讲，比较硬同多味精，早知系咁嗌咕噜肉醒下胃仲好。一只沙姜鸡，卖相不俗，肉质唔鞋口。浓汤海味杂菜煲，啲菜一黎到就已经系偏黄，明显煮得耐左。不过错有错著，因为煮耐左，好淋，老人家可以食多啲。一样多味精。红烧豆腐杂菌，老人家最爱，够淋。