越一越南牛肉粉專門店 (已結業)

附近有一间食开嘅越南餐厅，系好好味。平时见哩间都多人排，所以就谂住试吓，点知中伏了。第一碗系生牛肉汤河，声称系无味精，但一饮啖汤就知道呃人。个汤劲咸，好多味精，而且完全无牛河平时嘅鲜甜味，食完要狂饮水。汤系一碗面嘅灵魂，所以哩碗真系好差。另一款系咖喱牛腩煲配法包。个咖喱又系令人失望，系港式咖喱嘅味道，而且咖喱香味欠奉，又系得个咸字。牛腩炆得唔够淋。蒜蓉包好彩系正常。最后一道系猪颈肉木瓜沙律，全晚最正常嘅一碟。猪颈肉烧得几好，好香脆，调味啱啱好。木瓜味道就普通，始终唔系当造季节，唔可以要求太多。哩间一定无下次。