汀汀烤活魚 (已結業)

今日好想食辣野，朋友话成日经过依间店都好想试，我就舍命陪君子吧。因为我哋六点半已经到，所以唔洗等位，同埋我哋唔系好饿，就只叫咗麻辣烤鱼同蒜蓉烤茄子，麻辣只系拣咗小辣，加咗莲藕同水晶粉做𩠌。落咗单冇耐就上菜啦，首先对个汤嘅颜色有啲失望嫁，一睇就知真系唔辣，所以我同朋友都好失望，豆豉好多，但冇蒜头，味道真系有啲不足，不过落咗好多莲藕，而且条鱼好滑。值得一赞嘅系水晶粉另上，唔会因为煮鱼时间长而煮烂佢。茄子嘅卖相唔吸引，而且蒜头唔多，不过食咗又觉得有惊喜，个汁好好味，好甜好香。反而我觉得茄子仲出色过烤鱼同埋个烤鱼愈食愈口喝，觉得佢一定落咗好多味精，食完之后啲牙肉肿咗好耐，而且饮几多野都觉得好口干