大雞食堂

营业中

休息中

忽然想食吓颓饭喺OpenRice见到呢一间望落啲食物好似唔错，所以就决定过去食。餐厅唔大，星期日嘅lunch hour去到去有九成 full, 而我哋被安排坐喺收银旁边嘅一张二人枱。座位位置极不舒服。 首先，座位后边就系收银机，埋单嘅人会企喺你旁边俾钱，我哋唯有自己拉后少少张枱远离收银机。 第二，完全冇任何空间俾你放个人物品，食嘢嘅时候要揽住自己个袋同埋件冬天褛，当下其实有起身走人嘅冲动，不过见一场嚟到就谂住快快脆脆食完就算。 而事实上中途真系有两个男人入嚟坐低，但冇落order就走咗。我哋两个人叫咗一碗葱油鸡扒捞丁同埋蕃茄鸡扒饭，味道其实都正常嘅，捞丁嘅面煮得淋咗少少，蕃茄汁就似一般罐头嘅味道，至于块鸡扒比想像中好，有少少焦香味，但唔算好特别。由于坐得真系好唔舒服，所以我哋用极速食完呢一餐饭，而食完呢餐饭之后我哋感觉中咗味精毒，饮咗成日水都解唔到渴😥。