名館 (已結業)

上星期同好友中午去左呢一间位于铜锣湾嘅餐厅食中餐。𠮶度环境非常优雅，而且仲有景睇添。座位都非常舒服，侍应拣咗一个对窗口嘅座位俾我哋。我觉得中午对住呢个景食饭，真系有一种好舒适嘅感觉。我哋叫咗以下嘅食物，总括来讲我觉得食物非常之好味，而且卖相都好好。真系值得再来。京川汁秋葵$42-个秋葵嘅汁做得非常之好味呀。有点带酸，又有蒜香味，仲有d辣味，好开胃。咖喱手撕饼$33-手撕饼ok,但咖哩一般。午市竹筒点心套餐$751.京川滑饺子-好滑，皮薄，汁都好味。2.大澳虾干豚肉蒸饭-虾干好香好鲜甜，豚肉几爽口，加上有姜丝的姜味，好好味。个蒸饭系藜麦蒸饭底，好健康，而且比较上有不同嘅口感。黑松露炒滑蛋$65-个炒蛋做得好滑，而且蛋味浓，有一啲半生熟嘅滑蛋，同好香嘅黑松露一齐食，真系一绝。鲜肉一口小笼包$56-热辣辣，个皮都薄,仲好多肉汁，肉味足，好好味。