茶茶台式料理 (已結業)

已经几年无去过旅行，好多时都系靠食物止下瘾，不过都唔系间间有𠮶种味道～呢间舖系上网揾到，虽然系旺角区，但就比最旺𠮶排舖头行多少少路仔，但都叫做可以同朋友静静地食嘢倾下偈咁～首先几钟意佢呢幅墙嘅英文字 Do small things with great love～ 同埋坐低感觉都舒服嘅，加上𠮶日出面落雨，有个舒服嘅地方坐下真系好紧要🥹讲下嘢食先，朋友好钟意台式火锅，所以梗系要试下呢度招牌 臭臭锅，佢系一人份量，但超级足料！牛肉/臭豆腐/米血糕/鸭血/卤大肠/贡丸/蚬，同其他配菜等…其实都谂紧一个人食应该好饱？😆😆同埋佢会用个细炉仔盛住，所以慢慢食都仲系热辣辣🔥味道虽然叫唔辣，但可能系用沙嗲汤，都会有少少辣味，不过可接受！另外仲叫咗个盐酥鸡卤肉饭，好香脆好酥软，食落脆卜卜，超正！！另外叫咗个台湾肠同手撕鸡，唔算好出色，但都系合格以上，只能够话个锅太抢fo😁饮品我叫咗爆柠四季春，睇相都见到有4-5块柠檬，笃都需要啲力先得，而我叫咗3分甜，唔太甜就啱我口味～～最后要讲，虽然好似行多少少，但我觉得呢间嘢系值得行过嚟食，价钱+味道+足料，绝对系CP值高😋