龍皇酒家 (世貿中心) (已結業)

强推烂鬼限聚，令到香港人过新年都无得出街食，唔想呀妈煮得咁辛苦，唯有订个盘菜返嚟，干手净脚。左拣右拣，有啲过年唔开门，有啲连锁餐店唔想拣，有啲外省款式唔啱我家广东口味 ....最后无意中见到龙皇广告，见平时饮茶食饭顽有水准，满心期待呢个咁好意头$1680 嘅8人盘菜应该会唔错！卖相整整齐齐，排位唔差，打咭一流，可惜内里虚有其表，鲍鱼有啲似食擦纸胶，花胶如同咬橡筋，海参爽口弹牙，鹅掌骨瘦如柴，酱汁淡而乏味，完全和堂食时嘅鲍汁鹅掌、软淋花胶判若两件事，难道过年外卖接得多令质素下降，如果掩眼盲试仲以为系九流饭馆菜式，算吧！ 反正味蕾最诚实，食客不再投你下一票就知成绩。唉！还要一提赠送的4张礼劵，消费满$300可使用$50礼劵，如此类推，有效期至31/03/2021，条款本来很合理。弊就弊在只适用星期一至五（晚市），唔得灵活变通呢！而家香港晚晚禁堂食，就算呢一刻话7日后放宽4人饭桌，谁知下一刻几时颁布禁止呢！何况香港人大部份平日返工，周末先能够开心消费，你更改延长有效期，或者周末晚可以用都话啫，而家不如直接不赠送无咁嬲。整盆最好味是冬菇和烧腩肉